٧ جەمادی یەکەم، ١٤٣٩هـ
قەبارەی نووسین

بۆچی پێغەمبەران هاتن ؟

گەر بپرسین: خودا بۆ پێغەمبەرانی بۆ مرۆڤایەتی دەنارد و بۆ پەیامیان بۆ دادەبەزی؟ هیچ كەسێك بۆی نیە لەخۆڕا وەڵامی ئەم مەسەلەیە بداتەوە . چونكە خودای بەرز لە كتێبی

Pexambaran دابەزێنراوی خۆی كە نە لە پێشڕا و نە لە دواوە ناحەقی روی تێنێكا، ئەم وەڵامەی دابینكردوە : ( وَمَا أَرْسَلْنَا مِنْ رَسُولٍ إِلاَّ لِيُطَاعَ بِإِذْنِ اللَّهِ ) النسا‌ء/٦٤. هەركەسێكمان بە پێغەمبەری ناردوە ، بۆ ئەوە بووە كە بە ئیزنی خوا فەرمانی قبوڵ كەن .

(لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمْ الْكِتَابَ وَالْمِيزَانَ لِاقُومَ النَّاسُ بِالْقِسْطِ وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِاعْلَمَ اللَّهُ مَنْ انْارُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ ) الحديد/٢٥ واتە : ئێمە پێغەمبەرانمان نارد بە چەند بەڵگەی ئاشكراوەو وێڕای ئەوان، كتێب و هۆی هەڵسەنگاندنمان ناردەخوار ، هەتا خەڵك بێ جیاوازی لەناو یەكدا رەفتار بكەن. ئاسنیشمان ناردۆتە خوار ، كە هازی بڕشتی زۆرەو زۆر بەهرەی بۆ مەردم وا تێدا تا خودا بۆ خۆی بزانێ كێ لە نەدیارداتە یاری خۆی و پێغەمبەرەكانی. دیارە خودا خاوەن هێز و دەستەڵاتە.

 

پێش ئەوەی باسی دوایین پەیام بكەین ـ كە بارێكی تایبەت و كۆمەڵە ئامانجاكی تایبەتی هەن ـ لەم دوو ئایەتە رادەمێنین كە باسی پەیامەكان بەگشتی دەكەن هەر ئادەم و نوحەوە تا موحەممەد صلی الله علیە وسلم ..

یەكێك لە ئایەتەكان بڕیار دەدا كە ناردنی پەیامبەران لەلایەن خواوە تەنیا بۆ پێڕاگەیاندن و ئاگاداركردنەوە نیە، بەشێوەیەك كە هەر مرۆڤێكی پەیامبەرێكی بۆ رەوان كرا دەتوانێ بڵێ : ئەوا مەسەلەكەت پێ ڕاگەیاندن و زانیم، بەڵكو پاویستە لەسەری بڵێ: فەرمانەكەم پێڕاگەیشت و زانیم و گوێڕایەڵ و پابەندیم . تا بە شێوە وەڵامی ئەو پەیامبەرەی داوەتەوە كە بۆی رەوانكراوەو ئەو ئامانجەشی وەدیهێناوە كە پەیامبەرەكەی بۆ رەوانە كراوە.

ئایەتەكەی دیكە ئەو ئامانجە روندەكاتەوە و سنورەكانی دیاری دەكا، كە بەرپاكردنی دادوەرانەی ژیانی خەڵكیە، كە ئەمەش واژەیەكی كورتی گشتگیری كۆكەرەوەیە، ئایەتەكانی دیكەی قورئان بەشێوەیەكی سنوردارو وردی دەكەنەوەو درێژەی پێدەدەن (لەگەڵ سوننەت پاكی پێغەمبەر صلی الله علیە وسلم ) و بۆ ئارەزوی مرۆڤ لێی ناگەڕێن. چونكە ئەگەر دیاریكردنی دادوەری بۆ ئارەزوی مرۆڤ جێ هێڵرا هەمو شتێك گەندەڵ دەبێ :( وَلَوْ اتَّبَعَ الْحَقُّ أَهْوَاءَهُمْ لَفَسَدَتْ السَّمَاوَاتُ وَالأَرْضُ وَمَنْ فِيهِنَّ ) المؤمنون/٧١. ئەگەر راستی شوێن ئەوان كەوتبا ، بێگومان ئاسمانەكان و زەمین و هەرچی دەنێو ئەواندایە، خرا دەبون .

داخوازی ئەم ئایەتە ئاماژەپێكراوەی پێشو ئەوەیە كە ناردرنی پەیامبەران و دابەزاندنی كتێب تەنیا بۆ پێڕاگەیاندن و ئاگاداركردنەوە نیە ، بەڵكو بۆ وەدیهێنانی ئامانجێكی كرداری واقیعیە لە ژیانی خەڵكیدا كە بەرپاكردنی شەریعەت و بەرنامەی خودایە. لەگەڵ ملكەچكردنی خەڵكی بۆ ئەم شەریعەت و بەرنامەیە، چونكە ئەمە تاكە رێگەیە تا خەڵك دادوەری بەرپاكەن، بەواتای كردەوەیەك هەرە كە دەبێ لە واقیعی زەویدا روبدا پاش باوەڕپێكردن و دانپێداهێنان. ئەگەر ئەو كردەوەیەش نەبێ ئامانجی هەناردنی پەیامبەران و دابەزاندی ئاین وەدی نایێ ، بەڵكو ئاین دەبێتە كۆمەڵە دروشمێكی بەرزكراوەو بنەمایەكی واقیعی نابێ ، یا دەبتە كۆمەڵە خۆزگەیەك لە ویژداناندا، نە چ بەرەوپێشدەبا و نە چ دوادەخاو نە هیچ شتێك لە ژیانی خەڵكیدا دەگۆڕێ . ئاماژەكردنیش ـ لە ئایەتەكەدا ـ بەئاسن و هێزو سەركەوتنی خواو پێغەمبەرەكانی ، بەڵگەی ئاشكران كە لەنێوان كردەوە داواكراوەكان جیهادیش هەیە لەپاناو خوا تا خەڵك دادوەری ئەنجام بدەن.

جا ئەگەر ئەم مانایە لە هەمو یەپامەكان وەدیهاتبێ هەر لە ئادەم و نوحەوە تا موحەممەد صلی الله علیه وسلم ، ئەوا پەیامی دوایین باراكی تایبەتی دەبێ لەگەڵ كۆمەڵە ئەركێكی تایبەت جیا لە سەرجەم پەیامەكانی پێشترو سەرباری هەمو ئەوانیش خودای بەرزو پاك لە بارەی پەیامەكانی پێشو و ئەهلی ئەو پەیامانە دەفەرموێ : (وَمَا أُمِرُوا إِلاَّ لِاعْبُدُوا اللَّهَ مُخْلِاينَ لَهُ الدِّينَ حُنَفَاءَ وَيُقِيمُوا الالاَةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ ) البينة / ٥ واتە فەرمانیشیان هەر ئەوەندە پادرابو كە دەبێ خواپەرست بن و لە دین ئەودا دڵپاك بن و بەرەو هەقانەت بڕۆن و نوێژ بكەن و زەكات بدەن ، كە ئەمە دینی دروستە..

جا ئەگەر ئەم فەرمانە هەمو پەیامەكان بگرێتەوە تاكو پەیامی موحەممەد صلی الله علیە وسلم ، ئەوا دواپەیامیش-كەپەیامی كۆتاییە- كە پێغەمبەری دوایینی صلی الله علیه وسلم پێ رەوانەكراوە گرنگیەكی دیكەی هەیە جیا لە پەیامەكانی دی و ئەركباری زیاتری تادا سەرباری پەیامەكانی دی.

لە قەدەر و ویستی خوادا دابو كە پەیامبەرێكی دیكە نەنێرێ پاش موحەممەد صلی الله علیه وسلم :( مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَكِنْ رَسُولَ اللَّهِ وَخَاتَمَ النَّبِيِّينَ ) الأحزاب/٤٠: موحەممەد بابی هیچ پیاوێك لە پیاوانی ئێوە نیە ، بەڵام راسپاردەی خوایە و ئاخری پێغەمبەرانە..

((أَلاَ إِنَّهُ لاَ نَبي بَعدِي)). بوخاری و موسلیم .. هیچ پێەمبەرێك لەپاش من نیە

هەروەها لە قەدەر و ویستی خوادا بوو كە ئاین بەم پەیامە كۆتایە تەواو بكاو بۆ هەمو مرۆڤایەتی بێ :( الْيوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمْ الإِسْلاَمَ دِينًا ) المائدة/٣ : وا لەمڕۆوە دینەكەتانم تەواو كرد و بەبێ كورتی و كەمایەتی چاكەم دەربارەی ئێوە كرد، ئیسلامیشم بە دینی ئێوە هەڵبژارد .

(( وَمَا أَرْسَلْنَاكَ إِلاَّ كَافَّةً لِلنَّاسِ بَشِيرًا وَنَذِيرًا ) سبأ/٢٨: ئێمە تۆمان هەر بۆیە نارد كە بۆ گش خەڵكی سەر زەمین مژدەدەر و ترسێنەر بی !

( قُلْ ياأَيُّهَا النَّاسُ إِنِّي رَسُولُ اللَّهِ إِلَيْكُمْ جَمِيعًا ) الاعراف / ١٥٨ : بێژە: خەڵكینە ! بزانن ئەمن خودا رایسپاردومە بۆ لای ئێوە ، گش لە گشت ..

((...وَبُعِثْتُ إلَى الأُمَمِ كَافَة )) بوخاری و موسلیم . هەروەها بۆ هەمو نەتەوەكان رەوانەكراوم ..

جا سەرجەم ئەمانە ئەوە دەخوازێ كە ئەم ئوممەتە دوایینە كە پەیامی دوایینی هەیە دو ئەركی پێ رابسپێردرێ نەك تەنیا ئەركێك وەكو ئوممەتەكانی پێشو.

ئەگەر ئومەتەكانی پێشو هەمویان بەمە راسپاردرابن كە خودا ( مُخْلِصينَ لَهُ الدِّينَ حُنَفَاءَ ): لە دینی ئەودا دڵپاك بن .. بەپەرستن و لەسەر ئاین و ئەركەكانی لە تەنیا سنوری خۆیدا سەقامگیر بن ، ئەوا ئوممەتی موسڵمان هەمان ئەم ئەركە پێراسپێردراوە ، ئەودا سەرەڕای ئەمەش پێی راسپێردراوە كە ئەم ئاینە لە هەمو پارچەكانی زەویدا بڵاوبكاتەوە بەجێهێشتنی پێغەمبەر صلی الله علیە وسلم و درێژكردنەوەی رێبازەكەی و تێبكۆشی تا ئاین هەموی بۆ خودا دەبێ .

(وَلْتَكُنْ مِنْكُمْ أُمَّةٌ يدْعُونَ إِلَي الْخَيْرِ وَاأْمُرُونَ بِالْمَعْرُوفِ وَينْهَوْنَ عَنْ الْمُنْكَرِ)ال عمران/١٠٤: دەبێ لەناو ئێوەدا كۆمەڵێك ببن ، فەرمان بەچاكە بدەن و رێ لە خراپە ببەستن .

( وَقَاتِلُوهُمْ حَتَّي لاَ تَكُونَ فِتْنَةٌ وَيكُونَ الدِّينُ كُلُّهُ لِلَّهِ ) الأنفال/٣٩: وەلیان شەڕكەن هەتا ئاژاوە نامێنێ و دین گشتی دینی خوا دەبێ.

داخوازی ئەمەش ئەوەیە كە ئەو (كردەوە)ی لەم ئوممەتە داواكراوە لەپاش باوەڕپێكردن و دانپێداهێنان ، گەلێك گەورەترو زۆر ترسناكترە لە هەمو كردەوەیەكی لە هەر ئوممەتێكی پێشو لەمێژودا داواكرابێ .

ئەگەر باوەڕپاكردن و دان پێداهێنان بەتەنێ و بە بێ كردەوە حەقی ئەركباركردنە پەروەردگاریەكەی هیچ ئومەتێك لە ئوممەتەكانی پێشو نەدات ، چونكە خودا هەریەكەی كۆمەڵە ئەركێكی لەسەر شان داناون و پێغەمبەرێكی بۆ ناردون تا بە ئیزنی خودا گوێڕایەڵی بكرێ ، نەك تەنها بۆ پێڕاگەیاندن ، ئەوا ئەم ئوممەتە بە سیفەتێكی تایبەتی ناكرێ باوەڕپێكردن و دانپێداهێنان مافی ئەو ئەركە پەروەردگاریەی سەرشانی پڕكاتەوە ، لەكاتێكدا كە دوو ئەركیشی پێكەوە پێ راسپاردراوە : كە لە خودی خۆیدا بۆ خودا سەقامگیر بێ ، پاشان رێنوێنی پەروەردگار بە هەمو زەویدا بڵاوبكاتەوە.

ئایا بە چ خەیاڵێك دادێ ئەگەر داواكراو هەموی هەر باوەڕپێكردن و دان پێداهێنان بوایە و چیتر نەبا تەنانەت تەنیا كەعبەش لە بتەكان پاك بكراباوە ، ناشڵێین مەككە بە تەنێ ، یا دورگەی عەرەبی ، چ جای بەشەكانی دیكەی جیهانی ئیسلامی كە بە جیهادی موجاهیدانی رای خوا روناكیان گەیشتۆتێ.

ئایا دەهاتە بەر چ بۆچونێك ئەگەر تەواوی داواكراو هەر باوەڕپێكردن و دانپێدانان با كە ئیسلام دەوڵەتێكی لە مەدینە بۆ دامەزرابا ، چ جای ئەوەی ئەو دەوڵەتە تەواوی دورگەی عەرەبی بگرێتەوە، یا رێبكێشێ و لەنیو سەدە نێوان زەریا لە رۆژاوا تاكو هیند لە رۆژهەڵات دابگرێ هەروەكو رویدا.

ئایا بەبیری كەسیشدا دەهات ئەگەر تەواوی داواكراو هەر باوەڕپێكردن و دانپێدانان با، یا ئەگەر موسڵمانان وا تێگەیشتبان كە داواكراو هەموی هەر باوەڕپێكردن و دانپێداهێنانە كە كۆڵەگەكان ( دعائم ) ی دەوڵەت لە مەدینەدا چەسپابا ، لەوكاتەی كە جولەكەش لە ناوەوەڕا تەڵەو داویان بۆ دەناوەو، لە دەرەوەش قوڕەیش چاڵیان بۆ هەڵدەكەند ، چ جای ئەوەی كە كۆڵەگەكانی لە تەواوی دورگەدا بچەسپێ ، یا یەكێك لە دو دەوڵەتە مەزنەكەی شرك لە رەگەوە هەڵتەكێنێ كە (فارس) و ئەوی دیكەش (رۆم) لە بنەوەڕا بهەژێنێ سایەی عەرش و دەسەڵاتی لە زەویدا وێك بێتەوەو دابكشێ .. چ جای ئەوەی ئەو دەوڵەتە-لەپاشاندا- بباتە چەق و تەوەری دنیا ، كە زانست تێدابێ و، ژیاری تێدابێ و هێز و باڵادەستی لە زەویدا هەبێ ؟!

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics