٧ جەمادی یەکەم، ١٤٣٩هـ
قەبارەی نووسین

هەی بێئاگا ! ئێمە لەكوێین ؟! خەریكی چین ؟!

من و هاوڕێیەكم زۆركات باسی ژیانی ئاسایی خۆمان و هاوڕێكانمان دەكرد، بەردەوام دەگەشتینە ئەو ئەنجامەی كە چۆن واتای ڕاستەقینەی ژیانمان لەبیرچۆتەوە!!!Rebwar

چۆن ئامانجی ژیانێكی كاتی و خێرامان لێ‌ ونبووەو چۆن زیاد لە پێویست سەرقاڵ بوین بە دونیاوە!!!

بەردەوام لەنێو باخچەكانی زانكۆ دادەنیشتین و بیرمان لە ڕۆژانی منداڵی دەكردەوە، بەیەكترمان دەوت ئێستا لە ئەوپەڕی قۆناغی لاویداین و بیر لە یادگارییەكانی قۆناغی منداڵی دەكەینەوە، كەچۆن لەبەر دەرگا یاری هەڵماتێن و چاڵچاڵێن و فڕیوەو زۆر یاری ترمان دەكرد، وە دەمانوت ڕۆژگارێكیش دێتە پێش بیر لە رۆژەكانی كاتی لاویمان دەكەینەوە هەروەك چۆن ئێستا بیری یادگاریەكانی منداڵی دەكەینەوە، كە بێگومان ئەوكاتەش تەمەنی پیریمانە .

ئەی دوای ئەو قۆناغە كێ‌ بیر لە كاتەكانی تەمەنی پیری ئێمە دەكاتەوە؟؟؟

كێ‌ ڕۆژمێری كاتەكانمان هەڵدەداتەوە؟؟؟

ئایا ڕوداوە خۆش و ناخۆشەكانی ژیانمان تەنها ئاوا دەڕوات؟؟؟

ئایا كردەوە جوان و ناشرینەكانی تەمەن تەنها لە كوچەی باغچەیەك یان دیوارێك باس دەكرێت؟؟؟

 

تەمەنی منداڵی دەڕوات و تێیدا بێئاگاین لەسەختی ژیان، پاشان تەمەنی لاوی دێتە پێش و بێئاگاین لە ئەنجامی كارە سەركەشەكانی ئەوتەمەنە، زۆرێكمان دوای ئارەزووەكانی ناخی خۆمان دەكەوین و كاتێكیش پێی ناگەین پەشیمانی بۆ كاتە تێپەربووەكان دەخوازین، هەروەك ئەوەی سەرخۆش بین، هەست ناكەین بەوەی كە (( بەردەوام تەمەنمان بەرەو پیری دەروات و بێ‌ هێزی و لاوازی بەرۆكمان پێ‌ دەگرێ‌ و سەرمان سپی دەبێ‌ و پێویستمان بە گۆچانێك دەبێت بۆ ڕۆشتن و خۆگرتن و دواتریش ڕوبەڕوی مردن، پاشان زیندوو بوونەوەو لێپرسینەوە و پاشانیش گەشتن بە بەهەشت پشتیوان بەخوا یان دۆزەخ پەنا بەخوا )).

ئەمەش تەمەنی لاوی!!! پاشان تەمەنێك لە لاوازی جەستەیی سست دێتە پێش، دەبینین كە پیرین و ژیان زۆركەمی بەبەرەوە ماوە، لێرەشدا خۆزگە بۆئەوە دەخوازین كەلەكاتەكانی ڕابردودا فڵان كارمان نەكردایە، فڵان كارمان بەباشی ئەنجام بدایە.

وەك پایز وردە وردە گەڵای تەمەن هەڵدەوەرێت، كاتێك ئاوڕێكی ڕاستەقینە لەژیان دەدەینەوە، كاتێك لەم ژیانە خێرایە تێدەگەین، سەرەی مەرگمان هاتوەو فریای هیچ كارێك ناكەوین.

 

ئازیزان ئەمانە كۆمەڵێك سیناریۆن كە بەردەوام لە نەوەیەكەوە بۆ نەوەیەكی دیكە دوبارە دەبێتەوە ، لەیادتان بێت كە تەمەنی گەنجی زۆر گرنگە، وە بزانن كە زۆرترین پرسیارێك لەڕۆژی دواییدا ڕووبەڕومان دەبێتەوە ئەوەیە كەدەڵێ‌ تەمەنی گەنجیت بەچی بەسەر برد؟؟؟

ئەزانن بۆ؟؟؟

لەبەرئەوەی ئەگەر سەیرێكی تەمەنی منداڵی بكەین دەبینین كە تەنها جەستەیەكی ساغ و تەندروستیەكی باشی هەیە، بەڵام بەپێی پێویست عەقڵی بە كارەكان ناشكێ‌ و چاكو خراپ باش لەیەك جیاناكاتەوە، وە ئەگەر بڕۆین بۆلای تەمەنی پیری، دەبینین كەسەكان تیایدا جەستەیەكی لاوازوو نەخۆش و سست و بێ‌ هێزیان هەیە، تەنها ئەوەندە نەبێ‌ كە بە كەسێكی دونیا دیدە ناوزەند دەكرێن و پرس و ڕایان پێ‌ دەكەین، پاشان بێ‌ توانایی جەستە رێگای هیچ كارێك نادات.

بەڵام تەمەنی گەنجی ئەوەتا هەم لەشی ساغەو پتەوە وەهەم مێشكیشی باش كار دەكات و زۆر چالاكە، لەبەر ئەوەیە كە زۆر لەسەر تەمەنی لاوی دەوەستێنرێین.

 

دەی ئێستە بەڕای تۆ چ تەمەنێك ماوە ئێمەی مرۆڤ باشترین كاری تێدا ئەنجام بدەین؟؟؟

بە دڵنیایەوە تەمەنی مرۆڤ هەمووی جێگەی پەرستشە، بەڵام باشترین تەمەن تەمەنی لاوییە، لەو تەمەنەدا جەستەی مرۆڤ تەواو بەتوانایەو مێشكیش لەقۆناغی پێگەیشن دایەو چالاكی تەواوی هەیە بۆ هەموو كردارێك .

ئایا تۆی خوێنەر بەنیازی چ كارێك لەم تەمەنەدا ئەنجام بدەیت؟؟؟

ئایا بەئاگای لەوەی ئەم تەمەنە تۆ بەجێ دەهێڵێت ؟ یان تۆ ئەو بەجێدەهێڵیت ؟

بەڵێ‌ تەمەن هەموومان بەجێدەهێڵێت، ئێمەش تەنها كردەوەكانمان بەجێدەهێڵین !!!

كەواتە ئەی خوێنەری بەرێز، ئەی ئەوكەسەی هەست بەبونی خۆت دەكەیت لەم ژینەدا، هەستێك بەبونی ڕاستیەكانی ژیانت بكەو بیر لەرۆژگاری سەختی قەبر و ڕۆژی دوای بكەرەوە و ڕابچڵەكێ‌ و لەخەو هەستە و هەستە سەرپێ‌ و بیرت بێت كە هەموومان لەبەرامبەر ئەو بەرپرسیارێتیەی كە لە ئەستۆماندایە و هەستمان پێ‌ نەكردوە ڕادەوەستێنرێین لە دادگایەكدا كە خودی خودای بەڕەحم خۆی بەڕێوەی دەبات ...

 

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics