٢٩ موحەرەم، ١٤٣٩هـ
قەبارەی نووسین

ئێمه

Ema

به‌خێرهاتنی خوشكان و برایانی به‌ڕێز ده‌كه‌ین بۆ ماڵپەڕی ناوەندی ئەیوبی پێش خۆ ناساندنمان ئه‌ڵێین

السلام علیكم ورحمه‌ الله و بركاته.

له‌به‌ر ئه‌وه‌ی بناغه‌ی په‌یوه‌ندی نێوان مرۆڤه‌كانت بریتیه‌ له‌ ـ یه‌كتر ناسین ـ وه‌ك خوای گه‌وره‌ ئه‌فه‌رموێ : {... وَجَعَلْنَاكُمْ شُعُوبًا وَقَبَائِلَ لِتَعَارَفُوا ...} بۆیه‌ ئه‌مانه‌وێ "دید" و "كار"ی هه‌ڵسوڕێنه‌رایه‌تی ماڵپەڕی ئه‌یوبیتان پێ بناسێنین به‌و هیوایه‌ی دوای ـ تعارف ـ تألف ـ له‌ نێوانماندا درووست ببێت ... و ئێمه‌ و ئێوه‌یی نه‌مێنێت و هه‌موو ببینه‌ یه‌ك بوون.

  • پێناسمان : نه‌وه‌یه‌كی نوێی ئه‌م ئیسلامه‌ین ، بڕیارمان داوه‌ هه‌تا هه‌ین ، له‌گه‌ڵ ئیسلام و بۆ ئیسلام بژین ، چونكه‌ بڕوامان وایه‌ كامه‌رانی و سه‌ربه‌رزی دونیا و ئاخیره‌ت له‌وه‌دایه‌ له‌گه‌ڵ ئیسلام و بۆ ئیسلام بژین ئه‌و كاته‌ هه‌م سوود له‌ته‌مه‌نی خۆت ئه‌بینی و هه‌م خه‌ڵكی خواش سوودت لێ ئه‌بینن.
  • مه‌به‌ستمان : خۆ نزیككردنه‌وه‌ له‌ زاتی پاكی په‌روه‌ردگار و ڕازیكردنی ئه‌وه‌ ، هه‌ر بۆیه‌ دینه‌كه‌ی وه‌ك خۆی ئه‌یه‌وێ ـ نه‌ك خه‌ڵك ئه‌یه‌وێ ـ ئه‌ناسین و پشتیوانی لێده‌كه‌ین و جێبه‌جێی ده‌كه‌ین به‌سه‌ر خۆمان و ماڵ و مناڵ و كۆمه‌ڵگه‌كه‌ماندا .
  • ئامانجمان : سێ ئامانجمان هه‌یه‌ له‌م كاره‌ماندا به‌شێوه‌یه‌كی گشتی :

١. وه‌رگرتن و ناساندن و سه‌لماندنی بنه‌ما گشتیه‌كانی دینی ڕاسته‌قینه‌ی خوا .

٢. گۆشكردنی هه‌موو ئه‌وانه‌ی كه‌ دێن به‌ده‌م ئه‌م دینه‌وه‌ به‌و ئیسلامه‌ ڕاسته‌قینه‌یه‌ چ وه‌ك ( تاك ) و ( خێزان ) یان وه‌ك ( كۆمه‌ڵگه‌ ) و ( ده‌سه‌لاَت ) .

٣. ململانێكردنی فیكری و سیاسی و ده‌سه‌لاَت بۆ سه‌رخستنی ڕاستی ئه‌م دینه‌ به‌و چه‌كانه‌ی كه‌ به‌رانبه‌رمبه‌ره‌كانمان سوودی لێ ئه‌بینن چ وه‌ك فیكرو چ وه‌ك ڕێكخراو و چ وه‌ك سیاسه‌ت ....

    • كه‌ره‌سته‌كانمان :

    كه‌ره‌سه‌كانمان بۆ به‌دیهێنانی ئامانجی یه‌كه‌م :

      ١. به‌ڕێوه‌بردنی ئه‌م پێگه‌ ئیسلامیه‌و به‌هێزكردنی به‌ بیرۆكه‌ی ڕه‌سه‌ن و هاوچه‌رخ .

      ٢. ده‌ركردنی گۆڤارو بلاَوكراوه‌ی هه‌مه‌ چه‌شن .

      ٣. گرتنی كۆڕو سیمینارو به‌هێزكردنی وتاری به‌مه‌به‌ستی دوانگه‌كان .

      ٤. گرنگیدان به‌توتوێژینه‌وه‌ی زانستی له‌سه‌ر ( قورئان )و ( حه‌دیس )و ( عەقیدە)و ( فقه‌ )و ( مێژوو ) ..

      ٥. ده‌ركردنی زنجیره‌یه‌ك كتێبی فیكری و زانستی كه‌ دوو بابه‌تی سه‌ره‌كی چاره‌سه‌ر بكات:

      أ. ڕاڤه‌ و شرۆڤه‌ی مه‌زهه‌بی ئه‌هلی سوننه‌ت و جه‌ماعه‌ت ... كه‌ ( سبیل المٶمنین )ه‌

      ب. ڕاڤه‌ و شرۆڤه‌ی بیرۆكه‌ لادەرەکان... كه‌ ( سبیل المجرمین )ه‌ .

      كه‌ره‌سه‌كانمان بۆ به‌دیهێنانی ئامانجی دووهه‌م :

      ١. له‌ڕووی به‌رنامه‌یه‌كی زانستی و په‌روه‌رده‌ییه‌وه‌ ( تاك ) و ( خێزان ) ئاراسته‌ ئه‌كه‌ین بۆ وه‌رگرتنی بڕێكی پێویست له‌ زانسته‌ ئیسلامیه‌كان به‌ تایبه‌ت هه‌ر چوار بواره‌ پێویسته‌كه‌ی ئیسلام : ( ته‌فسیر , حه‌دیس , عه‌قیده‌ , فقه ).

      ٢. له‌ڕووی به‌رنامه‌یه‌كی ئیسلامیه‌وه‌ ( كۆمه‌ڵگه‌ ) و ( ده‌سه‌لاَت ) ئاراسته‌ ئه‌كه‌ین بۆ چاكسازی و گۆڕانكاری ئیجابی له‌ ڕێگای ده‌زگا جۆراوجۆره‌كانه‌وه‌...

      ٣. درووستكردن و پشتیوانی كردن له‌ هێزه‌ ئیسلامیه‌كان ( هێزه‌ سیاسیه‌كان , ڕێكخراوه‌ مه‌ده‌نیه‌كان , سه‌ندیكا جه‌ماوه‌ریه‌كان ) و درووستكردنی پرد له‌ نێوانیاندا ...

      ٤. داڕشتنه‌وه‌ی ڕێڕوونیه‌كانی ئیسلام له‌ شێوه‌ی مادده‌و بڕگه‌ی یاساییدا تا ( كۆمه‌ڵگه‌ ) و ( ده‌سه‌ڵات ) ئاشناو شاره‌زا بكرێن له‌ ئیسلام و ئه‌هلی ئیسلام بۆ ئه‌وه‌ی بزانن ئه‌هلی ئیسلام كێن و چییان ده‌وێت ...

      كه‌ره‌سه‌كانمان بۆ به‌دیهێنانی ئامانجی سێیه‌م :

      ١. ئه‌و كه‌سه‌ی به‌ "بیر" ململانێمان له‌گه‌ڵدا بكات ئێمه‌ش به‌ "بیر" ململانێی له‌گه‌ڵدا ئه‌كه‌ین و بیرۆكه‌كانیشمان به‌دوو جۆر به‌كارده‌هێنین :

      أ. بۆ ناساندنی بیری ڕاست و سه‌لماندنی خێرو بێری بۆ ( تاك ) و ( خێزان ) و ( كۆمه‌ڵگه‌ ) و ( ده‌سه‌ڵات ) .

      ب. ناساندنی بیری چه‌وت و زه‌ره‌رو زیانه‌كانی بۆ ( تاك ) و ( خێزان ) و ( كۆمه‌ڵگه‌ ) و ( ده‌سه‌ڵات ) .

      ٢. ئه‌و كه‌سه‌ی به‌ سیاسه‌ت ململانێمان بكات ئێمه‌ش به‌ سیاسه‌ت ململانێی له‌گه‌ڵدا ئه‌كه‌ین و پشتیوانی له‌ هێزه‌ سیاسیه‌ ئیسلامیه‌كان ئه‌كه‌ین .

      ٣. ئه‌و كه‌سانه‌ی له‌ ڕێگه‌ی ڕێكخراوه‌ مه‌ده‌نیه‌كانه‌وه‌ هه‌وڵی په‌راوێزحستنمان ئه‌ده‌ن ، ئێمه‌ش به‌هه‌مان كه‌ره‌سه‌ ململانێی مه‌ده‌نیانه‌ی له‌گه‌ڵدا ئه‌كه‌ین و هاوكاری و كۆمه‌كمان ئه‌خه‌ینه‌ خزمه‌ت ڕێكخراوه‌ مه‌ده‌نیه‌كانی ناو كۆمه‌ڵگه‌وه‌ كه‌ به‌ نیازی پاك و به‌رنامه‌ی چاك هه‌وڵی پێشخستنی دۆزی ( كۆمه‌ڵگه‌ ) و ( ده‌سەڵاته‌كانی ) دونیای مسوڵمانان ئه‌ده‌ن ...

      • هه‌ڵوێستمان : هه‌ڵوێسته‌كانی ئێمه‌ له‌ ( بیرو باوه‌ڕه‌كان ، كه‌سه‌كان ، ده‌سه‌لاَته‌كان ، هێزه‌ سیاسی یان ڕۆشنبیری یان كۆمه‌لاَیه‌تیه‌كان ) دوو شت دیاری ده‌كات :

      ١. ڕاده‌ی دوورو نزیكی ئه‌و لایه‌نانه‌ له‌ ئیسلام و دینی ڕاسته‌قینه‌ی خوا .

      ٢. ڕاده‌ی یاربوون یان نه‌یاربوونی ئه‌و لایه‌نه‌ له‌ ئیسلام و ئه‌هلی ئیسلام ...

      • سه‌رچاوه‌مان : سه‌رچاوه‌ی بیرو بیركردنه‌وه‌مان له‌ پله‌ی یه‌كه‌مدا بریتیه‌ له‌ قورئانی پیرۆزی په‌روه‌ردگار كه‌ وه‌ك خۆراكی ڕۆژانه‌ پێویستمان ئه‌بێت بۆ وه‌رگرتنی به‌ره‌كه‌ت و بیرۆكه‌ سه‌ره‌كی و بنه‌ما گشتیه‌كانی ئه‌م دینه‌ ... له‌ پله‌ی دووهه‌مدا سه‌رچاوه‌ی بیرو بیركردنه‌وه‌مان بریتیه‌ له‌ ( سیره‌ ) و ( سوونه‌ت )ی پێغه‌مبه‌ری ئازیز (ص) و به‌هه‌مان شێوه‌ وه‌ك ویردی ڕۆژانه‌ ده‌م ئه‌خه‌ینه‌ ناو كانیاوی فه‌رمووده‌ شیرینه‌كانی پێغه‌مبه‌ر كه‌ لێوان له‌ بیرۆكه‌و به‌ره‌كه‌ت و درێژه‌ی ڕێڕوونیه‌كانی ژیان ...

        له‌ پله‌ی سێیه‌میشدا سه‌رچاوه‌ى بیرو بیركردنه‌وه‌مان بریتیه‌ له‌ ئیجتهادی زانایانی ئیسلامی له‌ كۆن و تازه‌دا ، به‌و مه‌رجه‌ی كه‌ له‌ بنه‌ماكانی مه‌زهه‌بی ئه‌هلی سوننه‌ت و جه‌ماعه‌ت لایان نه‌دابێت ، چونكه‌ به‌بڕوای ئێمه‌ ( دینداری ) و ( بیری ڕاست ) و ( موماره‌سه‌ی درووست ) له‌و مه‌زهه‌به‌و بنه‌ماكانی ئه‌و مه‌زهه‌به‌دایه‌ و به‌ پێچه‌وانه‌شه‌وه‌ ( لادان ) له‌و بنه‌ما كزی له‌ ( دینداری ) دا درووست ئه‌كات و هێزی ((به‌رگری =مناعه‌ )) لاواز ئه‌كات و بیرو بیركردنه‌وه‌ لێڵ ئه‌بێت و هه‌ڵه‌ له‌ جێبه‌جێكردندا به‌رهه‌م دێنێ ...

        بۆیه‌ به‌كارهێنانی ته‌فسیره‌ متمانه‌ پێكراوه‌كان و ڕاڤه‌ و شرۆڤه‌ی كتێبه‌ ڕه‌سه‌نه‌كان بۆ فه‌رمووده‌ و كتێبه‌كانی عه‌قیده‌ و فقهی مه‌زهه‌به‌كان و فقهی به‌راوردكاری زانایانی متمانه‌ پێكراوی ئوممه‌تی ئیسلامی سه‌رچاوه‌مانن بۆ درووستكردن و به‌ڕێوه‌ بردنی كاری ئیسلامیمان ..
      • توێشوومان : له‌ناو ڕێگه‌ی كاركردنمان بۆ ناساندن و سه‌لماندن و چه‌سپاندنی ئیسلام ، ئه‌م توێشوانه‌ به‌ پێویست ئه‌زانین له‌و كاروانه‌دا :

      ١. عه‌قیده‌یه‌كی ته‌وحیدی دوور له‌ (شیركیات) .

      ٢. زانستێكی به‌كه‌ڵكی دوور له‌ (غلو) .

      ٣. عیباده‌تێكی هه‌مه‌لایه‌نه‌ی دوور له‌ (بیدعه‌) .

      ٤. ویردو ئه‌زكارێكی گشتی ڕۆژانه‌ ....

      ٥. خۆ موحاسه‌به‌ كردنێكی به‌رده‌وامی هه‌فتانه‌ ...

      ٦. نه‌خشه‌یه‌كی تێرو ته‌سه‌لی ساڵانه‌ ...

      ٧. ڕه‌وشت و ئاكارێكی موسڵمانانه‌ ....

      هاوڕێمان بە لە فەیسبوك

      
      مێژووناسی
      گومانناسی
      بابەتی هەمەڕەنگ
      چاوپێکەوتن

      دواین لێدوان

      دیزاینکراوە لەلایەن گروپی ٢٤

      joomla statistics