هەینی، ٢ موحەرەم، ١٤٣٩هـ
قەبارەی نووسین

فەتوای زانایان لەسەر جیاوازی بینینی مانگی رەمەزان

سەبارەت بە رای زانایان لەسەر جیاوازی بینینی مانگی رەمەزان بە پێویستمان زانی چەند فەوایەكی زانایانی هاوچەرخ بهێنینەوە، چونكە ئەمە كێشەیەكە ئەمڕۆ موسڵمانان تا ئێستا چارەسەریان نەكردووە چونكە زۆرجار لەلایەن هەندێ هێز و دەسەڵاتەوە بەسیاسی دەكرێت،

Ramadan 1

شێخ بن باز(رەحمەتی خوا لێبێت) لەوبارەیەوە دەڵێت: راستتر ئەوەیە خەڵكی هەر وڵاتێ بە بینینی خۆیان بۆ مانگ لە وڵاتی خۆیان رۆژوو بگرن... بەڵام ئەگەر ئاسان بوو گونجا هەموو بە یەك بینین رۆژوو بگرن ئەوە پاكتر و چاكترە...بۆ نموونە بە بینینی سعوودیە یان بینینی وڵاتێك كە بە شەرعی خوا حوكم بكات و فەرمانەكانی خوا بەجێبگەیەنێت ئاسان بێ هەموان بەو بینینە رۆژوو بگرن ئەوە كێشەی نیە و باشترە بە كۆی بەڵگەكان،

حكم اختلاف رؤية هلال رمضان

بەپێی بابەتێكی پوختەی دار الافتا‌و ی میسری راجیاییەكان دێنێ، دەڵێت: سەلماوە دەركەوتنی مانگ لە ناوچەیەكەوە بۆ ناوچەیەكی تر جیاوازە بۆیە راجیایی فیقهناسان هەیە... لای حەنەفیەكان لە هەر شوێنێكی سەرزەوی ببینرێ لەسەر هەموو موسڵمانان واجبە پابەندی بن، لای شافعیەكان ئەگەر وڵاتەكان لە یەك نزیك بوون كە یەكێكیان بینی واجب ئەبێت لەسەر ئەوی تریش، ئەگەر لەیەك دوور بوون راستتر ئەوەیە رۆژووگرتن فەرز نابێت، لای حەنبەلیەكان ئیبن قودامە وای هێناوە كە هەر وڵاتێكی ئیسلامی مانگی بینی لەسەر هەموو وڵاتان واجبە رۆژووبگرن....ئەوەی من بە دروستی دەزانم لە هەر ناوچەیەكی موسڵمانان چەسپا كە مانگ بینراوە رۆژوو گرتن لەسەر هەموو موسڵمانان واجبە،

معلومات عن الفتوى: اختلاف المطالع فى رؤية الهلال

شێخ بن عوسەیمینیش رای وایە بینینی مانگ لە وڵاتێك و نەبینینی لە وڵاتێكی تر رۆژووگرتن واجب ناكات بۆ هەموو موسڵمانان، واتە لەو وڵاتەی نەبینراوە واجب نیە رۆژوو بگرن، بەڵام باشتر وایە ئەو مەسەلەیە چارەسەر بكرێت.

رأي العلامة ابن عثيمين عند الإختلاف في رؤية الهلال

شێخی ئەلبانی لەو بارەیەوە رای وایە: بنەمایەكی شەرع بەرگرتنە بە دیاردەی ناكۆكی تا بكرێ،ئێستا دەڵێن ئەصل وایە موسڵمانان بە بینینی مانگ لە یەك وڵات هەموان رۆژوو بگرن، بەڵام ئەمە ناواقعە...بۆیە بۆ كەمكردنەوەی بازنەی ناكۆكی دەڵێین: لەگەڵ ئەو وڵاتە رۆژوو ئەگرین كە تیایداین بە مەرجێ نەكەوینە ناكۆكیەكی ریشەیی كە هیچ زانایەك شتی وای نەوتبێ.

فتاوى العلماء في حكم الإفطار مع الدولة إذا خالفت ما اتفق عليه الفقهاء وأخذت بالحساب الغير معتد به إجماعا

ئەمە چەند رایەكی زانایانێكی دیاری ناو ئوممەتی ئیسلامین كە دەكرێ لێرەوە بڵێین دروستە یان دەبێ لەگەڵ ئەو وڵاتە رۆژوو بگرین كە تیایداین ئەگەر هاتو دڵنیابووین لەو وڵاتە مانگ نەبینراوە.

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics