٦ موحەرەم، ١٤٣٩هـ
قەبارەی نووسین

ئایا ئیسلام هیچ جیاوازیەكی هەیە لە ئایینەكانی تر؟

لە جوولەكایەتیدا ڕەگەزی باڵا هەیە (شعب الله المختار) ئەمانە خوای تایبەت و جیا لە خەڵكیان هەیە (یەهوا) ژیانی دنیا تاكە ژیانەو ماددە پێوەرو بنەماو هەموو شتێكە.

Eslam

لە مەسیحیەتدا: سێ‌ خوایی هەیە، جەستە هیچەو دەبێ‌ سزا بدرێ‌ چونكە جەستە ڕێگری خۆشبەختی گیانە، گیان تاكە ئامانجە، جەستەو گیان پێكەوە نایانكرێ‌، بۆ مانەوەی یەكێكیان دەبێ‌ ئازاری ئەوی تریان بدەیت، بۆیە ئازاردانی جەستە مەرجە بۆ حەسانەوەی ڕۆح، ژیانی دنیا هیچ نرخێكی نیەو تەنها ژیانی ڕۆژی دوایی گرنگە، چێژوەرگرتن لە دنیا تاوانە، هەموو مرۆڤێ‌ بە تاوانباری دێتە دنیاو كەسیش ناتوانێ‌ ڕاستەوخۆ خوا بدوێنێ‌.

لە زەردەشتیدا دوو خوایی هەیە، خوای چاكەو خوای خراپە، خوای چاكە هەر چاكەی لێ‌ دەكەوێتەوە، بۆیە پێویستە خوای خراپە ڕازی بكرێ‌ تا خراپەو توندی نەنوێنێ‌، دواتر مانی هات كە ئامانجی پشت گوێ‌ خستنی ژیانی دنیاو ئازاردانی مرۆڤ بوو، مەزدەكیش ئامانجی ڕەوایی چێژەكان بوو تا مرۆڤ چ چێژێكی دەوێ‌ وەریبگرێ‌ بێ‌ هیچ سنورێ‌.

لە ئایینە هیندیەكانیشدا كەسێ‌ دەبرێتە ئاستی خواو پەرستنی بتەكان شانازیە چونكە دارو تەختە پەرستن ڕێی گەیشتنە بە تاكە خوا، زۆرجار بوون و نەبوونی ڕۆژی دوایی دەكرێ‌ بە دارێكی دەست‌و كەی بیانەوێ‌ ڕۆژی دوایی هەیە، كەی بیانەوێ‌ حاشا دەكەن لە بوونی.

بەگشتی ئەوە پەیامی ئەو ئایینانە بووە، بەڵام پەیامی ئیسلام:

1- خوا تاك و تەنهایەو هەموو شتێ‌ بەدەست خوایەو هەموو شتێ‌ دروستكراوی خوایە.

2- شەیتان لایەنی خراپەی گرتووەو دروستكراوی خوایەو دەسەڵاتی نیەو فێڵا و پیلانی لاوازە.

3- مرۆڤ دروستكراوی ڕێزداری خوایەو هەمیشە خوا لەگەڵیدایەو ئاگاداریەتی، فێڵی شەیتان بەرامبەری لاوازەو مرۆڤ دەتوانێ‌ زاڵا بێ‌ بەسەر خراپەداو خواش لەوەدا پشت و پەنایەتی.

4- ژیانی دنیاو ڕۆژی دواییش هەیە، خۆشیەكانی ژیانی دنیا ڕەوان لە سنوری خواییداو پشت كردنە دنیا حەرامەو دنیاپەرستیش حەرامە، بخۆ، بەڵام زۆر مەخۆو پیس مەخۆ، خۆش بخۆ. خوا پێی خۆشە شوێنەواری بەخششی خۆی بەسەر مرۆڤەوە ببینێ‌، خۆش و پاك بخۆ، جوان بپۆشە، جوان ببینە، جوان وەربگرە، ڕۆح و جەستەت پاك و خاوێن ڕاگرە [إن الله يحب التوابين و يحب المتطهرين].

5- پەیوەندی نێوان خواو مرۆڤ ڕاستەوخۆیەو هیچ نێوەندێ‌ نیە، قورئان و سوننەت تاكە سەرچاوەو دڵا و بینایی وبیستن پێناوی وەرگرتنی سەرچاوەن، كاری مرۆڤ لە ژیاندا بنیادنان و بەختەوەرییە، دڵخۆشكردنی مرۆڤەكان پێناوی گەیشتنە بە بەهەشت بەڵام نەك لەسەر بنەمای چاوپۆشی لە ڕازیكردنی خوا.

6- بەدەر لەمانە، هەرچی پەیامی زەمینی و ئاسمانی هەن ڕۆژ بە ڕۆژ لەبەردەم ڕەوتی زانستیدا وەستاون، بەڵام ئیسلام زانست وەرگرتنی بە فەرز و پێویستی داناوە، زانا بەڕێز سەیر دەكرێ‌ و خوا لە ڕیزی خۆی و فریشتەكاندا زانایان بە شایەت دەگرێ‌، زانستخواز خۆشەویستی خوایەو بوونی زانست شانازیە و زانست وەرگرتن و بەخشین ڕێی گەیشتنە بە بەهەشت.

دەی هەموو ئایین و ڕەوتەكان لەبەردەم توێژینەوە زانستیەكاندا هەڵەو كەم و كورتییان دەردەكەوێ‌ تەنها ئیسلام نەبێ‌ كە بەردەوام ئیعجازی دەردەكەوێ‌، بڕوانن چی ڕەوت و ئایین هەیە لەگەڵا گۆڕانی زانستدا دەگۆڕێن، تەنها ئیسلام نەبێ‌ كە بە سەقامگیری وەستاوەو ڕۆژ بە ڕۆژ ڕێڕەوی زانستی بە توێژینەوەكانی دان دەنێت بە ڕاستیەكانی ئیسلامدا، بۆیە بەدەیان بەرگ نووسینی ئیعجازی قورئان و فەرموودە دەبینین كە زۆریان لەلایەن ناحەزانی ئیسلامەوە ئەنجامدراون و دواجار بەو هۆیەوە زۆربەیان موسڵمان بوون، كەچی نابینیت بەرگێ‌ یان دوو بەرگ لەسەر ئیعجازی ئایین یان ڕەوتێكی تر هەبێ‌، بەڵكو هیچ ئیعجازێكیان نیە.

لەوە زیاتر هەموو ڕەوت و ئایینەكان چوار سەدەیە لە هەموو لاوە لێدەنەون بۆ لێدان و لەناوبردنی ئیسلام، كەچی بەردەوام پێشڕەوی ئیسلام دەبینین، هەموو ئەو هەوڵانەی لاڕێكردنە نەبوونەتە هۆی ئەوەی بچووكترین گۆڕان لە سەرچاوەی ئایینەكەدا هەبێ‌ (قورئان و فەرموودە) قورئانێ‌ كە هەر بە حەق مانەوەی ئیعجازی گەورەیە [إنا نحن نزلنا الذكر و إنا له لحافظون].

بەڵام داخەكەم ئەو ناحەزانەی قسەدەكەن لەسەر سەرچاوەكانی ئیسلام (قورئان و پێغەمبەر صلى الله عليه وسلم ‌و فەرموودە) دوای چەند سەدەیەك لەدوای پێغەمبەر صلى اللهعليه وسلم ڕاچڵەكین تا بزانن ئیسلام چیەو كەی هاتووەو موحەممەد كێیە؟ بۆ ئەوەش ناچاری گەڕانەوە بۆ نووسینەكانی ئیبن ئیسحاق و ئیبن هیشام و ئیبن خەیات و .... هتد، ئیتر چ عەقڵێ‌ قبووڵا دەكات قسەی ئەوانە وەرگری كاتێ‌ خودی ئەو نووسینانە مابن، كاتێ‌ ئەو ڕۆژهەڵاتناسانە دوای چەند سەدەیەك ئینجا زانیویانە دەبێ‌ شتێ‌ لەسەر پێغەمبەر صلى الله عليه وسلم و ئیسلام بزانن دەكرێ‌ بە چ عەقڵێ‌ قسەی چەند سەدە دواتری كەسانێكی دوور لە سەرچاوە بخەینە پێش نووسینی كەسانی هاوسەدەی سەرچاوەكانی ئیسلام.

پاش ئەمە دەڵێین كە نەخێر لە بەراوردی ئایینەكاندا بێویژدانیە ئیسلام وەك ئایینەكانی تر سەیر بكرێت چونكە:

1- نەگۆڕاوە.

2- پێشڕەوی بەردەوامە.

3- خاوەن سەرچاوەی چەسپاوە.

4=ئیعجازی بەردەوامی دەردەكەوێ‌.

5- لەگەڵا سروشتی مرۆییدا گونجاوەو هیچ نەگونجانێكی نیە.

بۆیە گوتاری (أساطیر الأولین) بۆ ئیسلام گوتارێكی هەڵەیەو كۆنیشە، چونكە خوا لە قورئاندا ئاماژەی پێداوە ئەم جۆری بەراوردكاریەی ئایینیە بۆ ئیسلام دەستە خەڵاتی جاهیلانی سەردەمی كۆنە، ئەوانەی تەنها بڕوایان بە ماددە هەبوو یان ئەوانەی بت و داریان دەپەرست نەك زانستێكی نوێ‌ بێ‌ یان توێژینەوەیەكی هاوچەرخ بێ‌ كە ڕاستیەكی نیشان دابێت.

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics