٢٩ سەفەر، ١٤٣٩هـ
قەبارەی نووسین

گرنگی و پلەو پایەی یەكخواپەرستی

Islamnasi22

زانستی یەكخواپەرستی وئیمان وعەقیدەی ئیسلامی,چڵەپۆپەی زانستە شەرعیەكانە,یەكەم واجبە كە لەسەرتاكی موسوڵمان پێویستە فێری بێت وبیكاتە ئەملەویتی كارەكانی,چونكە خوای گەورە دەفەرموێ‌(فاعلم انه لا اله الا الا الله.....)بەشارەزابونی موسوڵمان لەم زانستەو كارپێكردنی گرێ‌ كوێرەی زۆ كێشەوپەرتەوازەیی چارەسەر دەبێت,جا پێم باش بوو وانەی یەكەم بە باسی گرنگی و فەزڵ وپلە وپایەی ئەم زانستە دەست پێبكەین تازیاتر گوێ‌ی دڵمان واڵابكەین بۆ بابەتەكانی ترو حەقی تەواوی پێبدەین:

1- یەكخواپەرستی چڵپۆپەی دادپەروەریە هەروەك چۆن هاوبەش بۆ خوادانان ستەمترین شتێكە[ان الشرك لظلم عظیم]

2- عەقیدەو بیرو باوەری سەرجەم پێغەمبەران ورەوانە كراوانی خوا(سەلامی خوایان لێ بێ‌)یەك بووە بەڵام شەریعەت و ئەحكامەكانیان جیاواز بوە,

3- هەر كەس یەك خوا پەرست بێت هەرگیز بە هەتاەتایی لە دۆزەخدا نامێنێتەوە ئەگەر بچَتە ناوی بەهۆی تاوانەوەیە.

4- كامەرانترین كەسێك بەشەفاعتی پێغەمبەری خوا(صلی الله علیه وسلم)ئەو كەسەیە كە یەكخوا پەرستی جێ‌ بەجێ‌ كردبێت.

5- زانستی یەكخوا پەرستی (التوحید)بەرزترین و بەرزترینی زانستە شەرعیەكانە.

6- قورئانی پیرۆز سەراپا یەكخوا پەرستی یە, یاخود باس لەبنەمماكانی تەوحید دەكات , یان باس لە سەرەنجامی ئەو گەلانەی پێشوو دەكات كە لایان داوە لە یەكخواپەرستی و سزایان چۆن بوە یان باس لە پاداشت و سزای ئەو كەسانە دەكات كە جێ‌ بە جێ‌ كار یان پشت هەڵكەر بون لە تەوحید لەرۆژی دوایدا.

7- ووشەی یەكخواپەرستی وشایەتمان ئەو وشەیەیە كە فەرمان كراوە بەجەنگ كردن لەگەڵ خەڵكیدا لەسەری.

8- هەر ئەو شایەتمانە بەندی پتەوو وەسیەتی خوایە بۆ بەندەكانی.

9- ئەو كەسە بێ‌ عەقڵە پشتی كردبێتە تەوحیدو بەفام و ژیریش ئەو كەسەیە كە بەری بووبێ‌ لەشیرك.

10- ئەو كەسەی هەڵگەرێتەوە لە یەكخواپەرستی سەربراو دەستی ناخورێت,ژنی لێ‌ مارە ناكرێ‌ كەمرد ناشۆرێت و لەگۆرستانی موسوڵمانان ناشاردرێتەوە و دروست نیە داوای لێخۆشبونی بۆ بكرێت.

11- گەورەترین هۆكارە بۆ رزگار بون لە لە ئازارو خەم و خەفەت و نارەحەتیەكان.

12- هۆكاری بەدەست هێنانی كامەرانی دنیاو قیامەتە.

13- سەراپا ووتەو كردەوەكان قبوڵ بونیان بە ستراوەتەوە بە تەواوێتی یەكخواپەرستی یە.

14- ئازایەتی و لە كەس نەترسان بەروبومی یەكخوا پەرستی یە كە بەم هۆیەشەوە ئەمینی تەواو بەدەست دێت.

15- بەهۆی یەكخواپەرستی یەوە مرۆڤ رزگاری دەبێت لە بەندو كۆیلایەتی و دەبێتە خاوەنی عەقڵ و ئەمنی سەربەخۆ.

16- چەمانی رزگار كردنی مرۆڤە لە:كۆت و بەندی ئارەزو روپامایی و نەخۆشیە عەقڵیو دەرونی و خورافات,وە لە دڵبەست بون بە مەخلەقەوە وە لە ستەمی كۆمەڵایەتی و رامیاری و ئابوری.

17- سەربەرزیو رێز بەیەكخواپەرستیەوە بەدەست دێت.

18- سەركەوتن و شكۆ بەرهەمی یەكخواپەرستی یە.

19- ئەو بەلێن و پەیمانەیە كە خوای گەورە لە ئادەم (علیه السلام)نەوەكانی وەریگرتووە.

20- مەبەست و ئامانجی ئەساسیە لە دروست كردنی مرۆگ و جنۆكە.

21- مەبەستی بانگەوازی سەرجەم پێغەمبەران بوە.

22- یەكەم واجب و كۆتا واجبە لە كاتی سەرەمەرگدا دەبێ‌ بوترێ‌.

23- یەكەم پرسیارێك كە لە بە ندە دەكرێت لەناوگۆرو قیامەتیشدا.

24- زانینی ئەم زانستەو شارەزابون لێی فەرزە لەسەر هەموو موسوڵمانێكی نێرومێ‌ چونكە رێدەركردن نیە بەبێ‌ زانینی, بۆیە لەفەرمودەكاندا بەزانستی فەرز هاتوە.

25- ناوبراوە بە فقهی الاكبر كە ئیمامی شافعی و ئەبو حەنیفە بەمە ناویان بردوە.

26- وشەی یەكخواپەرستی چەندین ناوی تری لێنراوە: وشەی اخلاص –وشەی الاحسان-وشەی دادپەروەری – الطیب من القول –الكلمة الطیبة-الكلمة الثابتة-كلمة التقوی – كلمة الباقة- كلمة الله العلیا-كلمة سوا‌ء-كلمة الاكبر-الدین الخالص-الصراط المستقیم- كلمةالحق- العروة الوثقی-كلمة الصدق)

27- (كلمە التوحید)دەمانگەیەنێتە(توحید الكلمة)واتە:رێگای یەكمی دورەوتنەوە لە پەرتەوازەیی شارەزا بونمانە لەم زانستە,جازانستێك ئەمە بەشێك بێت لە گرنگیەتیەكەی و بەسترابێتەوە بەمەبەست درووست بونمان لەم ژیانە,پێویستە لەسەرمان لەسەرەتای هەموو زانستەكانەوە دایبنێین و تازوتر شارەزای بین هێشتا درەنگە,خوا گەورە زانستی بەسودو كرداری پاك و وەرگیراومان بە نسیب بێت

لێدوان زیادکە


بابەتە پەیوەندیدارەکان

هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics