٧ جەمادی یەکەم، ١٤٣٩هـ
قەبارەی نووسین

پشكنینی پزیشكی پێش هاوسەر گرتن

پێغەمبەر صلى الله عليه وسلم دەفەرموێ: ((فرّ من المجذوم فرارك من الأسد)) رواه البخاري

واتە: ڕاكردنت لە توش بو بە گولی ڕاكردنتە لە شێر.Pzeske

هەروەها دەفەرموێ: ((لا يوردن ممرض على مصح)) رواه البخاري

واتە: نەخۆش نەبردرێتە لاى كەسانێك كە ساغن و نەخۆش نین.

((لا ضرر ولا ضرار)) رواه أحمد في المسند وابن ماجه، حديث صحيح واتە: نە زیان بگەیەنەو نە بهێڵی زیانت پێ بگات.

ئەم فەرمودە پیرۆزە ئاماژەی حەزەرو ئاگادار بون دەكەن لە نەخۆشی گرتنەوە! زۆر لە حكومەتەكانی ئێستا چەند یاسایەكیان دەركردوە سەبارەت بە پێویست بونی پشكنینى پزیشكى(فحص طبي) پێش بەهاوسەری بونی كوڕو كچەكە، دیارە ئیسلام پێشینەی هەیە سەبارەت بەم ئاڕاستەیە.

جێی داخە كە بڵێم ئەو تاقى كردنەوە پزیشكى یە زۆر لە پزیشكەكان ئاسانكارى تێدا دەكەن، وە ژن و مێردیش لەم فەحسە هەڵدێن كە ئاكامەكەی بەخراپ دەكەوێتە سەر خۆیان و منداڵەكانیان.

لەسەر هەر ژن و مێردێكی ئیسلامی پێویستە گەر هەر یەكێكیان توشی نەخۆشىیەكی درم بون نەبنە هاوسەری یەكتری. لە فەرمودەی (صحيح)ی پێغەمبەر هاتوە كە دەفەرموێ: ((لا يؤمن أحدكم حتى يحب لأخيه ما يحب لنفسه من الخير)).

دكتۆر وجیە زین العابدین لە رسالەكەی (الإسلام والتربية الجنسية‌)دا گوتویەتی: ئەوەی لەم فەرمودەیە تێدەگەم (لا ضرر ولا ضرار) ئەمە بۆ بەدوا گەڕانە بۆ ئافرەتی چاك و لادانی زەرەرو زیان لە ئەو و لە پیاو، دروستە بەڵكە پێویستە لە نیزامی ئیسلامى دا كوڕو كچ پێش بەهاوسەری بونیان فەحس بكرێن، بە تایبەتی بۆ زانینی ئافرەتەكە كە ئایا منداڵی دەبێ؟ هەروەها فەحسی پیاوەكە بكرێ نەبادا نەخۆشى یەكی درمی یان ئامێر نەرمى یان نەزۆكی یان شێتی هەبێت... بەڵام گرنگترین مەرج بۆ پیاو ئەوەیە كە تەندروستی باش بێت و توانای جیماعی هەبێت وەك لە فەرمودە هاتوە: ((من استطاع منكم الباءة فليتزوج... الحديث)).

الباءة: مانای توانای دابین كردنی خانوو پێداویستىیەكانی ژن هێنانی هەبێت، هەروەها مانای توانای جنسی دەگەیەنێ.. وەك كە لە كتێبی (المحيط للفيروز آبادي) هاتوە.

لێرەدا چەند شی كردنەوە(تحلیل)ێكی پێویست هەیە كە پێویستە لەسەر داخوازى كارو داخوازى كراو (كچ و كوڕ) پێش بەهاوسەری بونیان ئەم تەحلیلە بكەن، دیارە ئامانجەكەشی ئاشكراو ڕونە: كە ئەویش دڵنیا بونە... وە تەئكید كردن لە هەمو شتێك، تا بزانرێ ئەو كەسە كەم و كورتى هەیە؟ گەر هەیە دەبێ چارەسەر بكرێ.

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics