١٠ جەمادی دووەم، ١٤٣٩هـ
قەبارەی نووسین

هونەری لاواندنەوەو دەستبازى كردن(یاری كردنی پیاو لەگەڵ خێزانەكەی)

هونەری لاواندنەوەو دەستبازى كردن(یاری كردنی پیاو لەگەڵ خێزانەكەی)جابر رضي الله عنه دەڵێ: ((كنا مع النبي صلى الله عليه وسلم في غزوة، فلما رجعنا وكنا قريباً من المدينة، قلت: يارسول الله إني حديث عهد بعُرس! قال: أتزوجت؟! قلت: نعم. قال أبكرٌ أم ثيّب؟ قلت: بل ثيّب. قال: فهلاّ بكراً تلاعبها؟! وفي رواية: هلاّ بكراً تلاعبك وتلاعبها...)). حديث صحيح.

واتە: لە جەنگێك لەگەڵ پێغەمبەری خوا صلى الله عليه وسلم بوین، كاتێك گەڕاینەوەو لە مەدینە نزیك بوینەوە، گوتم: ئەی پێغەمبەری خوا صلى الله عليه وسلم ژنم تازە هێناوە.

پێغەمبەر صلى الله عليه وسلم فەرموی: ژنت هێناوە؟!

جابر دەڵێ: گوتم: بەڵێ.

پێغەمبەر صلى الله عليه وسلم فەرموی: كچە یان بێوەژنە؟

گوتم: بێوەژنە.

پێغەمبەر صلى الله عليه وسلم فەرموی: كچت هێنا بوایە بۆ ئەوەی گەمەت لەگەڵدا بكات و یارى و گەمەی لەگەڵ بكەی....)).

لە گێڕانەوەیەكى تردا جابر دەڵێ: ((قال لي رسول الله من تزوجت؟ فقلت: ثيباً. فقال: مالك وللعذارى ولعابها؟! قلت: يا رسول الله، إن عبدالله مات وترك سبع بنات أو تسعاً، فجئت بمن يقوم عليهن، ويصلحنّ.. قال: فدعا لي)). رواه الخمسة (حديث صحيح).

واتە: پێغەمبەر صلى الله عليه وسلم فەرموی: چ ئافرەتێكت كردۆتەوە هاوسەری خۆت، واتە كچە یان بێوەژنە.

گوتم: بێوەژنە.

پێغەمبەر فەرموی: بۆ كچت نەهێناوە تا گەمەو یاری لەگەڵ دا بكەى و لیكی بمژی!

گوتم: ئەی پێغەمبەری خوا، عبدالله(واتە باوكى جابر) مردوەو حەوت یان نۆ كچی لەدوای خۆی بەجێ هێشتوە، لەبەر ئەوەیە كە بێوەژنم هێناوە تا سەرپەرشتی ئەم كچانە بكات و پەروەردەیان بكات.

جابر دەڵێ: پێغەمبەر صلى الله عليه وسلم دوعای خێری بۆ كردم.

لە گێڕانەوەیەكى تردا كە موسلیم گێڕاویەتیەوە: ((قال رسول الله صلى الله عليه وسلم لجابر: فهلا جارية تلاعبها وتلاعبك! - أو قال تضاحكها وتضاحكك-))..

واتە: پێغەمبەری خوا بە جابری فەرمو: كچێكت مارە كردبایە تا یاری لەگەڵ بكەى و یاریت لەگەڵ دا بكات، یان بە پێكەنینی بێنى و بە پێكەنینت بێنێ.

خاتو عائیشە رەزاى خواى لێ بێ گوتویەتى:

یازدە ژن دانیشتن عەهدو پەیمانیان دا كە حاڵى مێردەكانیان نەشارنەوەو هەموى باس بكەن.. زۆربەیان سكاڵاى كەم بژێوى(نفقە) و بەخراپى هەڵس وكەوت كردن و دەستبازى نەكردن و كەم جوتبونیان دەكرد، دیارە ئەمانە گشتى لە ئامانجەكانى شوكردنە لاى ئافرەت!

یازدەمین ژن كە ئەمە كورتەكەیەتى گوتى:

ئەبو زەرعى مێردم، چ ئەبو زەرعێكە؟ منى لە ژیانێكى تەنگ و دەستكورتیەوە گواستەوە بۆ سەروەت و سامانێكى زۆر و فرەوان، خزمەتكارى بۆ داناوم، بەتێرى دەخەوم..

ئنجا ئوم زەرع گوتى: ئەبو زەرع بۆ سەفەرێ چوە دەرەوە، توشى ژنێ بو كە دو كوڕى لەگەڵدا بو، بەدو هەنار لەژێر كەفەڵ(خێر)یدا یاریان دەكرد، منى تەڵاق داو ئەوى هێنا..

خاتو عائیشە گوتى: پێغەمبەرى خوا صلى الله عليه وسلم پێی فەرموم: ((كنت بك كأبي زرع لأم زرع)) واتە: عائیشە! من بۆ تۆ وەك ئەبوزەرع وامە بۆ ئوم زەرع، ئەبو زەرع ئوم زەرعى تەڵاق دا، بەڵام من تۆ تەڵاق نادەم.

ئیبن القیم گوتویەتی: بۆچی پێغەمبەر صلى الله عليه وسلم كچی هەڵبژاردوەو بە باشترى داناوە لە ژنێك كە شوی كردبێت، لە كاتێكدا ئەم كچێنى یە بەیەكەم جوتبون دەبێت بەژن؟

وەڵامی ئەم پرسیارە لە دو ڕوانەوە وەڵام دەدرێتەوە:

یەكەمیان: مەبەست لە جوتبونی كچ ئەوەیە، پێش ئەو كەسە نەچۆتە لای ئەو كچەو تامی نەچەشتوە، لەبەر ئەوە خۆشەویستی پیاوەكە لە دڵی كچەكە دەڕوێ، ئەوەش دەبێتە هۆی بەردەوامی گوزەرانی یەكتری. بە نیسبەت پیاوەكەش ئەوەیە كە ئاگادارى و چاوەدێری ئەم كچە دەكات كە هیچ كەسێك وەك ئەو چاوەدێری ناكات. خواى گەورە ئاماژەى بەم مانایە كردوە كەدەفەرموێ {لَمْ يَطْمِثْهُنَّ إِنسٌ قَبْلَهُمْ وَلَا جَانٌّ}،، دواى ئەمە بەلابردنى پەردەى كچێنى، پیاو بە بەردەوامى چێژى جوتبون بەدى دەكات.

دوەمیان: وەك لە پێغەمبەرەوە هاتوە كە فەرمویەتی:((إن أهل الجنة كلما وطئ أحدهم امرأة عادت بكراً كما كانت)) رواه الطبراني في معجمه(روضة المحبين ص/242) واتە: خەڵكی بەهەشتى هەركاتێ لەگەڵ ئافرەت جوت بون، ئافرەتەكە یەكسەر وەك كچێنی لێ دێتەوە.

عائیشە نازی لەسەر پێغەمبەر صلى الله عليه وسلم دەكرد چونكە تەنها عائیشەی بە كچێنی هێنابو. لەبەر ئەوە خاتو عائیشە بە پێغەمبەری دەفەرمو: ((لو نزلت وادياً فيه شجر أكل منها، وشجر لم يؤكل منها، في أيهما ترتع بعيرك؟! وكان يرد عليها: في التي لم يؤكل منها!)). رواه البخاري. واتە: گەر بچیتە دۆڵێكەوە دارو درەختی لێ لێ و لەوەڕی لێ كرابێ و، دارو درەختی وای لێ بێ و لەوەڕی لێ نەكرابێ، لە كامیان حوشترەكەت دەلەوەڕێنی؟ پێغەمبەر صلى الله عليه وسلم فەرموی: (لەو دارو درەختەی كە لەوەڕی لێ نەكراوە).

لە هەندێ (آثار)دا هاتوە: (عليكم بالإبكار، فإنهنّ أعذب أفواهاً وأنتق أرحاماً وأسخن إقبالاً وأقل خبأ وأرضى باليسير من النفقة) واتە: كچ بێنن، چونكە زمان شیرینن و منداڵیان زۆر دەبێ و بەگەرمى دێنە پێشەوەو فێڵیان كەمە و بەكەم رازین.

هەرچەندى بە شان و باڵى كچ دا هەڵدەگوترێ، بەڵام بێوەژنیش تازیار(مزایا)ى خۆى هەیە كەوا موماسەرەو ئەزمون و شارەزایى هەیە لە باش هەڵسوكەوت كردن لەگەڵ مێرددا، خواى گەورەش بە پێغەمبەرەكەى رادەگەیەنێ كە دەفەرموێ:{عَسَى رَبُّهُ إِن طَلَّقَكُنَّ أَن يُبْدِلَهُ أَزْوَاجًا خَيْرًا مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا} التحريم:5

واتە: گەر ئێوە تەڵاق بدا، شایەتا پەروەردگارى ئەو ژنانى لەنگۆ باشترى-لەباتى ئێوە- بداتێ: ژنانێكى گەردنكەچى بەباوەڕى بەرفەرمانى لەخراپە پەژیوانى خواپەرستانى رۆژوگر، لە بێوەژنان و كیژان.

(ابن كثير) لەراڤەى ئایەتەكە دەڵێ: واتە: تیایاندایە بێوەژنە و تیایاندایە كچە، بۆ ئەوەى ئارەزومەندى نەفس بێ، چونكە هەمەچەشنى نەفس فراوان و گوشاد دەكات، جا لەبەر ئەوەیە كە فەرموى [ثَيِّبَاتٍ وَأَبْكَارًا] .

بە بۆنەی قسەكردن دەربارەی كچ، وای بەباش دەزانم ئامۆژگارى و هەندێك سود لەبارەی پەردەی كچێنى و چۆنیەتی لابردنی ئەم پەردەیە لەلایەن زاواوە باس بكەین، چونكە زۆر كەس بەهۆی نەفامىو تێ نەگەیشتن دەربارەی ئەم پەردەیە یەكسەر خێزانەكەی تەڵاق داوە.

لە یەكێك لەو كتێبانەی باسی جنس دەكات هاتوەو دەڵێ: هەستیارترین و وردترین ماوەی جیهانی ژن و مێرد بریتى یە لەو چەند كاتەی شەوی یەكەمی بوك و زاوا كە پڕە لە ئاوات و ئامانج. لەبەر ئەوە هەڵس و كەوت و ڕەفتار كردن لەم شەوەدا دەبێ زۆر بە ئاگایى و هێمنى و لەسەرخۆیی بێت چونكە:

لەم شەوەدا ئەو ئافرەتە هەست بە ترسێكی زۆر لەم پیاوە نامۆو غەریبە دەكات و هەست بە ترسیش دەكات لەم ژیانە نوێیەی كە بۆی دەچێ.. لەبەر ئەوە پیاوی لێزان ئەو پیاوەیە بە باشی پێشوازی ئەم ئادەمیزادە هێمن و لەسەرخۆو خۆشەویستە شڵەژاو و دڵ ترساوە دەكات.

زۆربەی زۆری پیاو توشی دو هەڵەی زۆر ناشیرین دەبن:

1- لە یەكەم شەوی زاوایى دا هەمو خەم و گرنگىیەكی بریتی دەبێ لە لابردنی پەردەی كچێنی بەهەر چ ڕێگاو وەسیلەو شێوەیەك بێت.

2- لەم ئافرەتە تازەیەی كە بوەتە خێزانی ئومێدو چاوەڕێی ئەوەی لێ دەكات بە حوكمى واقیعەوە ئەم كارە قبوڵ بكات و پێی ڕازی بێت بەبێ بونی هیچ پێشەكى یەك بۆ لابردنی پەردەی كچێنی، گەر هەندێك كەس ئەم جۆرە توندو تیژیەیان پێ پیاوەتی بێت، ئەوا ئیسلام حوكمی ئەوە دەدات كە نەرم و نیانى و بەنەرمی جوڵانەوە لەگەڵ مرۆڤ دا تەنانەت لەگەڵ ئاژەڵیش بە پیاوەتی(رجولة‌) دادەنێ! لەبەر ئەوە خۆشەویست ترین و بەنرخ ترین شت لەلای ئافرەت پەردەی كچێنى یە، كە بەلاى ئەوانەوە دەبێ بەبێ هیچ بەرگریەك دەبێ قبوڵی لابردنی بكات، ئەمەش لەبەین بردن و ڕوخاندنی فیترەتی ئافرەتەكەیەو شەڕكردنە لەگەڵ سروشتی ئەم ئافرەتە..

لەم شەوەدا، شەوی زاوایی چەندە بەسودو چاك و باشە باسی خێزانی بەختیار بكەیت و باسی ئەو ئاوات و ئامانجانە بكەی كە لە دواڕۆژدا دێنە دی. هەروەها باسی منداڵ بكرێ كە لەمەودوا خوا پێ یان دەبەخشێ كە مایەی خۆشى و بەختەوەرى و شادی ناو ماڵەكەن، هەر لەم شەوەدا باسی خۆشەویستی خۆت بۆ ئافرەتەكە بكە كە ئەوت لە لا خۆشەویستە، باسی جوانى و شۆخ و شەنگی ئەو بكە. هەروەها باسی ئەوەى بۆ بكە بەهۆی بەدیارخستنی جوانى و ڕازاوەیى بۆ پیاوی بێگانە توشی گوناهو تاوان دەبێت.. نەكەی بەبێ پێشەكی قسە كردن و دڵنیایی پەلە بكەی لە جوتبون، نەكەی دەستت بۆ هیچ شوێنێكی ببەی یان یەكسەر ماچی بكەی یان یەكسەر شوێنی خۆت بگۆڕى و بچیتە تەنیشتیەوە.

ئیمامی شەرع زان ابن الحزم لە كتێبەكەیدا بەناوی (طوق الحمامة‌)دا دەگێڕێتەوەو دەڵێ: ئەبو بەكری محمدی كوڕی حەجەری بۆی باس كردم كە یەكێك لە پیاوە گەورەكانمان لە بەغدا كچێكی بینى و خۆشەویستی كەوتە دڵیەوەو داخوازی كردو هێناى.. لە یەكەم شەوی زاوایى دا بەبێ هیچ پێشەكى و قسەكردن و لاواندنەوە چوە لای بەنیازی جوتبون، كاتێك كچەكە (زەكەر)ی پیاوەكەی بینی لەبەر گەورەیی لەبەر دەستی هەڵات و نەیویست بچێتەوە لای پیاوەكە تا مردن. ئا بەم شێوەیە پەلە كردن لە جوتبون لە یەكەم شەوی زاوایی بوە هۆی پچڕانی پەیوەندی دو كەس و لێك جیابونەوەیان. گەر ئەم پیاوە چاوەڕێی ئەوەی كردبایە تا ئافرەتەكە دەهاتە ژێر بارو هێدى و هێمن دەبۆوە، ئەو كاتە حاڵی باشتر و بەختیارتر دەبو.

دكتۆر فریدریك كهن لە كتێبەكەیدا بەناوی (حياتنا الجنسية‌)دا دەڵێ: نەزانى و كەم شارەزایى پیاو لەم حاڵەتە ئەستەمانەدا رەنگە ببێتە هۆى كارەساتى ئێش دار كە ئاكامەكەى گواستنەوە بێ لە سەر جێی هاوسەریى بۆ نەخۆشخانەى شێتان، درێژەى ئەم مەسەلەیە ئەوەیە كچێكى هەستدار لەبەر رەوشت جوانى یەكەى خەڵك خۆشیان دەویست، بەڕەزامەندى خۆى شوى كرد، بەڵام هیچ شتێ دەربارەى ژیانى ژن و مێردایەتى نەدەزانێ، كەس و كارى و دەستگیرانەكەشى بایەخیان بەم مەسەلەیە نەدابو. لە شەوى گواستنەوەدا زاوا داواى لێكرد كە بێتە ژێربار و ئامادەبێ بۆ جوتبون، كچەكەش نەیهێشت ئەم كارە بكات، بەڵام پیاوە دڕندەكە پەلامارى دا تا ئەو شتەى كە بە مافێكى شەرعى خۆى دەزانێ دەستەبەرى بكات! لەبەر ئەوە كچەكە توڕە بو دەستى كرد بە شكاندنى كەل و پەلەكانى ناو ژورەكە، گەیشتە ڕادەیەك كە ئەو پیاوانەى لە ئوتێلەكەدا بون شڵەژان، لەجیاتى ئەوەى پزیشكى بۆ بانگ بكەن، تەلەفۆنیان بۆ پیاوانى پۆلیس كرد و ئەوانیش پەل بەستیان كرد و بردیانە نەخۆشخانەى شێتان..

لەبەر ئەوە ترسان لە كردارى جنسى (جوتبون) چەند هۆكارێكى هەیە، گرنگترینیان لاى پیاو ئەوەیە كە لە هەڕەتى گەنجێتى لەبەر نەشارەزایى ناتوانآ كارەكە بكات، هەروەها لەبەر ئەو بیروبۆچونە هەڵەیەى كە دەربارەى جنسى وەرگرتوە، كچیش لەم دو هۆكارە بەشدارە كە لە كردارى جنسى دەترسێ.

بە بۆنەی قسە كردن دەربارەی لادانی پەردەی كچێنی پێویستە ئەم ئاماژەیە بكرێ، ئەویش ئەوەیە كەوا زۆربەی پیاوان لە چەند شەوانی یەكەمی زاوایەتى دا ناتوانن ئەم پەردەیە لابدەن لەبەر شڵەژانى دەرونی یان لەبەر توندو ڕەقی پەردەی ئافرەتەكە. لەبەر ئەوە پێویستە لەسەر هاوڕێ و خزمەكانی هەردو لا زۆر گرنگی نەدەن بە گەورە كردنی لانەدانی ئەم پەردەیە لە یەكەم شەودا. هەروەها گرنگی بە قسەو قسەڵۆك نەدەن و گاڵتە بە زاوا نەكەن. چونكە رەنگە بەهۆی ئەم سەرزەنشتكردنە دوچارى ئامێر خاوبونەوە ببێ كە شتێكی ترسناكەو هەڕەشە لە ژیانی ژن و مێرد دەكات، خاوبونەوەش دو جۆری هەیە (عضوي و نەفسی)، نەفسیەكەی دەگەڕێتەوە بۆ حاڵەتی مێشك.

ئاشكراو ڕونە دەتوانم بڵێم ئەو كەسە سەركەوتو و زاڵ دەبێ گەر خۆی لە ناخەوە باوەڕی وا بێ كە لەم كارەدا سەردەكەوێ!!

هەندێك كەس باسی داب و نەریتێكی خراپیان بۆ كردم كە لە هەندێ لە لادێكاندا ڕو دەدات، ئەویش ئەوەیە گەر ئەو گەنجە لە یەكەم شەودا نەیتوانی ئەم پەردەیە لادات واتە بە زاوا نەبێ، ئەوا هاوڕێكانی گاڵتەو یاری پێ دەكەن و تاوانی خاوى و شلی زەكەری دەدەنە پاڵ! بەڵام گەر بە زاوا ببێ و پەردەی كچێنی كچەكە لاببات، ئەوا هاوڕێ و نزیكەكانی بوكەكە هاواریان لێ هەڵدەستێ و تاوانی ئارەزوی جنسی دەدەنە پاڵ گوایە ئارەزوی هەڵساوە بۆیە لە یەكەم شەودا مل كەچ و تەسلیم بوە بۆ زاوا كە بەزاوا ببێ! لەبەر ئەوە بەهۆی ئەم بیروبۆچونە هەڵەیەی هاوڕێ و نزیكەكانی نایەڵێ زاوا جوت ببێ، زاواش ناچار دەبێ دەست بكات بە لێدانی بوكەكە بۆ ئەوەی ئەویش لەدەست گاڵتەجاڕی هاوڕێكانی دەرباز بێت.

وا لە خوارەوە باسی چۆنیەتی لابردنی پەردەی كچێنی دەكەین:

1- قسەی خۆش و وتەی شیرین و لاواندنەوەو پیا هەڵدان و بە نەرمی ڕەفتار كردن لەگەڵ ئافرەتەكە، كۆسپ و تەگەرە ناهێڵێ. چونكە بەرگری كردنی ئافرەت بۆ لابردنی پەردەی كچێنی بەم وتە شیرین و قسە خۆش و لاواندنەوەیە هیچی نامێنێ و پەردەكە بە ئاسانی لادەدرێ و ڕەقایی نامێنێ.

2- گەر لەدوای لابردنی پەردەی كچێنی بەربونی خوێن (نزیف الدم) بەردەوام بو، ئەو كاتە پێویستە ئافرەتەكە بە حەساوەیی بمێنێتەوە و هەردو ڕانی بۆ ماوەیەك پێكەوە بنوسێنێ. پێویستیشە لەسەر پیاوەكە چاوەڕوان بكا و ئارام بگرێ و نەچێتەوە لای تا خوێنەكە دەوەستێ.

3- لەسەر ئافرەتەكە پێویستە دوای نەمانی پەردەی كچێنی گرنگی بەپاك و خاوێنی بدات و مەوادی پاك كەرەوە بەكار بهێنێ تا برینەكەی چاك دەبێتەوە، پێویستە پیاوەكەش تا خوێنەكە رادەوەستێ لەگەڵى جوت نەبێتەوە.

4- پێویستە لەسەر پیاو بەر لە جوتبونى دا مەوادی ڕۆنی بەكار بهێنێ وەك ڕۆنی (الكسیرین) یان (الوزلین)، ئەوەش بۆ ئەوەی ئافرەتەكە هەست بە ئازار نەكات و نەبادا دوچاری بەربونی خوێن (نزیف الدم) بێت.

5- گەر لەو چەند ڕۆژانەی یەكەم و هەفتەی یەكەم ئەم پەردەیە لانەدراو بە زەحمەت لادەدرا، ئەوا دەبێ بچنە لای پزیشك و ئەو خواردن و خواردنەوانە بخۆن و مەوادی بەهێزكەر بەكار بێنن كە پزیشكەكان ئاماژەی بۆ دەكەن وەك: گۆشت و قەرنابیت و هێلكەو برنج و ماسىو گێزەرو بیبەرو لیمۆو پیازو كەرەوز و مەعدەنۆس و نەعناو سەلق و قاچی گوێرەكە و گۆشتی باڵندە.

ئەو هۆیانەی دەبنە هۆی كزی ئارەزوی جنسی بریتین لە هەبونی ئازارو نەخۆشی توندو زۆر ماندوبون لە ئیش و كارداو وەرزش نەكردن.

ئەوەی یارمەتی لادان و لابردنی پەردەی كچێنی دەداو ئاسانی دەكات جوتبونی كاتی بەیانى یە، چونكە زەكەری پیاو پێش میز كردن چالاك و بەهێز دەبێ.

لە عومەرى كوڕى خەتتابەوە (رضي الله عنه) هاتوە كەوا بڕیارى دا ئەو پیاوەى دوچارى نەرم و شلى زەكەر بوە ماوەى ساڵێك ژنەكە نەگوازێتەوە تا خۆى چارەسەر دەكات، جا گەر ئەم خاوىو شلىیە لە ساڵێك زیاتر درێژەى كێشا ئەوا قازى لەیەكتریان جیادەكاتەوە گەر هاوسەرەكەى داواى كرد لێی جیاببێتەوە.

جوانترین شت كە لە تەفسیرەكان بەدیم كردوە راڤەى فەرمودەى خوایە كە دەفەرموێ: {وَيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَارًا وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ} هود:52.

لەم ئایەتە پیرۆزەدا ئەوە وەردەگیرێ كە داواى لێخۆشبون كردن لەخوا رزق و رۆزى زیاد دەكات و یارمەتى تواناى جوتبون دەدات، بە بەڵگەى ئەم ئایەتە [وَيَزِدْكُمْ قُوَّةً إِلَى قُوَّتِكُمْ] و فەرمودەى {وَيُمْدِدْكُمْ بِأَمْوَالٍ وَبَنِينَ } ئەمەو جگە لە پاداشتى رۆژى دوایى [وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا] .

لەوەى باسكرا ئەوەى لێ دەفامرێتەوە كە یارمەتیدەرى بەهێزكردنى پیاو بریتیە لە دوعاو پاڕانەوە لەخواى گەورە، هەروەك لە فەرمودەى (صحيح) هاتوە كە دەفەرموێ:

(اللَّهُمَّ مَتِّعْنَا بِأَسْمَاعِنَا وَأَبْصَاڕنَا وَقُوَّتِنَا مَا أَحْيَيْتَنَا وَاجْعَلْهُ الْوَاڕثَ مِنَّا )

جا گەر پیاو نەیتوانى پەردەى كچێنى لەبەر توندو رەقى لاببات، ئەوكاتە پێویستە سەردانى پزیشكى خۆى بكات تا بە نەشتەرگەریەكى ئاسان لاى ببات..

بەهەر حاڵ پێویستە بەرلەوەى پیاو ژن بگوازێتەوە بپشكنرێ و فەحس بكرێ، نەبادا دوچارى خاو و شلى زەكەر بوبێ كە بەردەوام بێ و چارەسەر نەكرێ.

لەبەر ئەوە گەمەو یاری كردن لەگەڵ خێزان هونەرێكی گرنگە كە بەردەوامی خۆشىو شادىو ژیانی ژن و مێردی لەسەر بەند دەبێ، پێغەمبەر صلى الله عليه وسلم پێش چواردە سەدە بە ڕاشكاوی ئاگاداری كردوین وەك لەو چەند ریوایەتانەی باس كران، زانستی دەرونناسیش لەم سەدانەی دوایىدا هات و گرنگی گەمەو یارى و بەنەرمی جوڵانەوە لەگەڵ خێزاندا بەدیار خست.

یەكێك لە زانایان دەڵێ: ژن و مێردی نمونەیی ئەوەیە كە هەردوكیان پێكەوە ئارەزوی جوتبونیان ببێ. لە پێویستى یەكانی بەشداری هەردوكیان: یەكسان بونە لە مافەكانی یەكترى و وەك یەك چێژ لە جوتبون وەرگرن. پێویستە لە یەكەم كاتی دەست پێ كردنی جوتبون گەمەو یاری لەنێوانیاندا ببێ، چونكە نەبونی وتەی شیرین و گەمەو یاری دەبێتە هۆی دڵتەنگی ئافرەتەكەو ڕەش بینی لەلا دروست دەبێ و تەنگ بە ژن هەڵدەچنێ كە ئازاری دەرونی دەدات.

گوێ نەدان بە قسەی خۆش و گەمەو یاری نیشانەی گێژی و گێلى یە، چونكە یاری كردن لەگەڵ خێزان هونەرێكی پڕ لە خۆشى و لەزەت وەرگرتنە. لەزەتی گەمەو یاری كردنیش لە لەزەت و تامی جوتبون كەمتر نى یە!

قسەو تەماشاكردن بۆ سەرەتاى جوتبون گرنگى خۆى هەیە، چونكە لەم قۆناغە نوێ یەدا دەربڕى هەست و نەستە. لەو كاتەدا نەفس زیاتر لە جەستە ئامادەیى هەیە بۆ كارتێكردن و وروژاندن، ئەگەرچى ئەم كارانە بەبچوكى دێتە بەرچاو، بەڵام زۆر گرنگە. دیارە هەستى بۆنكردن پەیوەندى بەلایەنى جنسیەوە هەیە، (رۆسۆ)ش گوتویەتى: بۆن و عەتر لە ژورى نوستن كاریگەرى خۆى هەیە.

یارىكردن و دەستبازى جێ بەجێ كەرى ئەو كارە پێویستانەیە بۆ سەرەتاى پەیوەندیە جنسیەكانى هاوسەرایەتى، دەستبازى لەنێوان ژن و مێرد شتێكى خۆش و جوانە، هەستە جنسیەكان نوێ دەكاتەوە..

پێویستە لە هاوسەرگرتنى نمونەیىدا لایەنى هونەرى كردەیى تێدا بنوێنرێ. پێویستە گرنگى بە دەستبازى و ئیعجاب بون بە ژن بە ئەندازەى پێویست و لەكاتى گونجاو بدرێ.

زانایەكى دەرونناسى پسپۆڕ بە كێشەكانى جنس لەژێر ناونیشانى (المغازلة والمداعبة‌) گوتویەتى:

(بزانە تەنها ئەوەندە بەس نیە پیاو ئارەزومەندى هاوسەرەكەى بێت و بەسۆز بێت بۆ ئەوەى یەكجار بۆى بێتە ژێربار و بۆى تەسلیم بێ، بەڵكە دەبێ لەكاتى هەر پێك گەیشتنێك ئارەزومەندى بێت و بیلاوێنێتەوەو قسەى خۆشى لەگەڵدا بكات، چونكە هەر پێك گەیشتنێك نمونەى زەواجێكى نوێ یە!)

دەربارەى بەباشتر دانانى ئەو مێردە ناشیرینەى دەستبازى و یارى كردن بەباشى دەزانێ لەو مێردە جوانەى كە وشكەو دەستبازى ناكات، پەندى كۆمەڵایەتى لەسەر هاتوە كە دەڵێ: (پیاوەكە دڕندەیە، بەڵام بە جوڵەجوڵ و ئارەزومەندە!!)

ئادەمیزاد دو پێویستى جوتێنەى لەسەرە، لەسەریەتى خۆشەویستى بخاتە دڵى خۆشەویستەكەى كە پەڕەى دڵى ئافرەتەكە دابگرێ و پێوەى مەفتون بێ هەتا واى لێ دێ بەڕادەیەك سۆزى دەبزوێ كە ئامادەیى تەواوى دەبێ بۆ جوتبون!

دیارە غەرام و خۆشەویستى ئافرەت بەهۆى دڵى و عەقڵیەوە گەرم دادێ، لەبەر ئەوە مێردى بەڕێز و فامیدە خۆشەویستى خۆى و سۆز و عاتیفەى فەرامۆش و پشت گوێ ناخات، هەتا خۆشەویستى لە ئاسمانى عەقڵى هەردوكیان هەڵدەفڕێ.

ژن ئامادەكردن بۆ پێك گەیشتن(جوتبون) تەنها كردارێكى مرۆیى نیە كە مەبەست پێی نەهێشتنى ئازاردانى بێ، بەڵكو كارێكى سودبەخشى گەورەیە بۆ خودى پیاوەكە، چونكە بەهۆى گۆڕینەوەى هەست و ئیحساسى ژن و مێرد بۆ یەكترى، پیاو ئەوپەڕى چێژ و لەزەت وەردەگرێ.

پۆلیسێك پێی راگەیاندم ژنێكى مێرددارى گەنجى بینى زیناى دەكرد، ئەو ژنە مێردێكى جوانى هەبو، پۆلیسەكە سەرى سوڕمابو لەوەى چۆن زینا دەكاو ئەو مێردە جوانەى هەیە؟ كە پرسیارى لێكرد بۆچى زینا دەكەى، گوتى: مێردەكەم تا ئێستا نازانێ رانم چۆنە، ئەو هەر دەیەوێ تەنها جوت بێ، بێ ئەوەى دەستبازى و یارى بكات!

هەندێ لە شارەزاو ئامۆژگاریكاران گوتویانە: ناشیرینترین و خراپترین نەزانى و دەستەپاچەیى ئەوەیە پیاو لەگەلڕ ژنەكەى جوت ببێ بەرلەوەى قسەى لەگەڵ بكات و بیلاوێنێتەوەو دەستبازى لەگەڵدا بكات.

دەبێ پیاو ئاگادار بێ نەكا كە خۆى گەیشتە خۆشى واز لە ژنەكەى بێنێ تا ئەویش دەگاتە خۆشى..

(مارى ستۆپ) كە ئافرەتێكى دەرونناسە دەڵێ:

(ئەوانەى دەربارەى جنس دەنوسن و ئەزمونەكانیان بە گوێرەى پێشكەوتنى دەرونناسى پیادە دەكەن دیدیان وایە؛ باشترین شت بوك بیكات ئەوەیە كە لە كردارى جنسى بەشدارى مێردەكەى بكات، چونكە بوكەكە رێنمایى دەكات كە چۆن پەردەكە لا ببات، بەوەش هەست بە كەمێك ئازار دەكات (گەر پەردەكە رەق بێت).

بەڵام ئەو پیاوەى كە بە تەنها دەیەوێ پەردەكە لا ببات، بە دڵنیایى یەوە دەڵێم ئەو پیاوە لەوپەڕى چێژ و خۆشى دایە، ئەو خۆشیە واى لێدەكات كوێر بێ و هەست بەو ئازارە نەكات كە كچەكە دوچارى دەبێت.. بەم كردەوەیە بوك وا بە خەیاڵى دا دێت كە مێردەكەى تەنها بایەخ بە ئارەزوەكانى دەدات، با لەسەر حیسابى هەراسان كردن و ئازاردانى خێزانەكەشى بێت.)

گەر ژن بە كردو كۆشى خۆى بەشدارى مێردەكەى بكات كەوا لێك تێگەیشتنیان هەبێ و ئەو شێوازە بەكار بێنن كە هەردولا پێی ڕازین، ئەوكاتە ئازارەكە كەم دەبێتەوە، ژنەكەش ئەوكاتە خۆى لەمێردەكەى دور ناخاتەوە.

هەروەها بۆ ئەوەى جوتبون بە سروشتى و بەخۆشى ئەنجام بدرێت پێویستە ژن بەشدارى مێردى بكات بۆ گەیشتن بەوپەڕى چێژ و خۆشى كە هەردولا دەیخوازن.

لە جوتبوندا نابێ تەنها یەك كەس وەڵامى هەبێ و ئەوى تر نەیبێ، بەڵكە دەبێ هەردوكیان بە ڕۆح و جەستەو دەرونەوە ئاوێتەى یەكترى ببن، جا ئەم ئاوێتەبونەى هەریەكێك لە ژن و مێرد بە شەوق و سۆز و ئارەزو و تەفاهوم بۆ یەكترى ڕەنگێكى زۆر جوان و سەرنج راكێش بەچێژ و لەزەتى جوتبون دەبەخشێ.

بەڵام لەو حاڵەتەى ژن بە سلبیانە رەفتار بكات، هەروەك هەندێ ئافرەت لەم حاڵەت و شوێنانە بیر لەوە دەكەنەوە كە بە سلبیانە رەفتار بكەن، گەر ژن لەم كارەدا پیاوى بەتەنیا هێشتەوە كە تەنها پیاو وەڵامى هەبێ، ئەوا زۆر لە ئیعتبارەكان بەفیڕۆ و بەهەدەر دەچێ، دەربڕینى خۆشەویستیش كەم و كورتى دەبێ گەر بەشدارى هەردوكیانى تێدا نەبێ و بەئارەزوى هەردولا نەبێ. هەروەها خودى جوتبونیش چێژ و خۆشى تەواو لەدەست دەدات، چونكە وەڵام نەدانەوە و جمودى ژن جوانترین و خۆشترین كاتى جوتبون لەناو دەبات.. كاتێك ئەوپەڕى چێژ و خۆشى لە جوتبون وەردەگیرێ كە ژن و مێرد بەیەكەوە تێیدا بەشدار بن.

گرنگترین شت پێویستە پیاو لە شەوی زاوایى دا ڕەچاوی بكات، ڕاگرتنی سۆزی ژنەكەیەتی. چونكە ئەم ئافرەتە ماڵی خۆی واز هێناوەو هاتۆتە ماڵێكی نوێ كە پێشتر تیایدا نەژیاوەو لێی ڕانەهاتوەو هەست بەشەرم دەكات. لە سەروی ئەوانەشەوە پیاو دەبێ لەم شەوەدا زۆر لێزان بێ و ئەم شەوە بكاتە بەهێز كردنی پەیوەندی خۆشەویستى و هاوڕێ یەتی، نەیكاتە شەوی هەراسان و بەدیار خستنی تواناو هێزو پیاوەتى و، لەناكاو نەچێتە لای. پێویستیشە یەكسەر دەست بە جوتبون نەكات تا ئەو كاتەی دەزانێ خێزانەكەی ئامادەیی هەیە، ئەگینا گەر ئامادەیی جوتبونی نەبو دەبێ بۆ كاتێكی تر دواى بخات.

پێش ئەوەی كۆتایی بەباسی هونەری گەمەو دەستبازى خێزان بێنین كە پێغەمبەرصلى الله عليه وسلم ئەمری لەسەر كردوە، دەمەوێ سەرنج بۆ ماوەی یاری كردن لەپاش جوتبون ڕابكێشم. یەكێ لە زانا پسپۆڕەكانی جنس دەڵێ:

گەمەو یاری كردنی نێوان ژن و مێرد گرنگى یەكی گەورەی هەیە لە پەیوەندى یەكانی جنسی كە پشت گوێ خراوە. زۆربەی پیاوان كردویانەتە خو لەدوای جوتبون لە ژنەكەیان دور دەكەونەوە، ئەوەش نیشانەی نەفامى و گێلى یە كە ڕوی وەرئەگێڕى و لەخەودا نقوم دەبێ. ئافرەتەكەش ئەو كاتە هەست بە دابەزینی جنس دەكات و بێ بەش دەبێت لە گەورەترین ماوەی سۆزو عاتیفەو خۆشى و لەزەت وەرگرتن.

لە كتێبی (التاج الجامع للاصول في أحاديث الرسول) تەعلیقێك لەسەر ئەم فەرمودەیە هاتوە كە ئەوەش كورتەی باسەكەیەو دەڵێ: لەو كاتەی پێغەمبەر زانی جابر بێوەژنێكی هێناوە، پێی فەرمو: ((ما لك وللعذارى ولعابها؟!))

بە واتای: گەر كچ بوایە باشتر بو تا گەمەو یاری لەگەڵ بكەی یان لیكی زمانی بمژی. ئەمەش ئاماژەیە بۆ مژینی لێو و زمان كە لەكاتی گەمەو یاری لەگەڵ خێزان ئەنجام دەدرێ!!

دەربارەی یەكەم كاری هاتنەژورەوەی پێغەمبەر صلى الله عليه وسلم، لە خاتو عائیشە رەزای خواێ لێ بێ پرسیار كرا، ئەویش گوتى: پێغەمبەر سیواك دەكات! رەنگە ئەم سیواك كردنەش بۆ پاك كردنەوەی ددانەكانى بوبێ تا بە ماچى گەرم پێشوازی لە خێزانەكەی بكات. ئەم جۆرە ماچ كردنەش بەختیارى و كامەرانی بەدەست دێنێ و هەمو خەم و پەژارەیەكی ژیان لا دەدات! لەبەر ئەوە وا باش و چاكە كاتێك پیاو دەچێتە ماڵەوەو دێتە دەرەوە خێزانەكەی ماچ بكات تا خۆشەویستى یان زیاتر بێت و هەردەم ئەوەیان لەبیر بێت كە لەسەر پەیمانى خۆشویستنی یەكترین.

ئەم فەرمودەیە تیشك دەخاتە سەر ڕۆڵ و گرنگی (دەم) لەكاتی گەمەو یاری كردنی پیاو لەگەڵ ژنەكەی. زانستە دەرونیەكان (العلوم النفسية‌) كاریگەری لیكی زمانیان بەدیار خستوە، (ماری ستۆب) كە پسپۆڕێكی دەرونی ئافرەتانەو دەربارەی ئارەزوی جنسی ئافرەتان بە ڕاشكاوى و بێ پەردەو بەئاشكرا دەردەربڕێ و دەڵێ:

لەسەر پیاوی ژندار پێویستە دەمی ژنەكەى ماچ بكات، كاتێك ژنەكەی بۆی مل كەچ بو و هاتە ژێر بارو وەڵامی بەدەمی دایەوە، واتە ئەویش ماچی دەمی پیاوەكەی كرد، ئەو كاتە نابێ بەتەنها لێوی ماچ بكات، بەڵكو دەبێ زمان و لیكی بمژێ. ئەمانەش هەموی دەبێتە هۆی بزواندن و چالاك كردنی هەستی جنسی، هەروەها دەبێ جگە لە ماچ كردنی دەمی خێزانەكەی، دەبێ شوێنی تری هەستیار (حساس) ماچ بكات وەك گوێ و گەردن و سینگ.

لێدوان زیادکە


بابەتە پەیوەندیدارەکان

هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics