٤ جەمادی یەکەم، ١٤٣٩هـ
قەبارەی نووسین

سیفەتە كۆمەڵایەتیەكانی موسڵمان

جگە لەو سیفەتە تاكیانەی كەلەمەو بەر ناومان بردن، ئێمە بۆ دامەزراندنی ژیانی كۆمەڵایەتیمان‌و پارێزگاری كردنی، پێویستمان بەجۆرێكی تر لەسیفات‌و ڕەوشت هەیە. ئەوەی كەئێمە ناتوانین دەسبەرداری ببین لەپتەو كردنی رژێمی كۆمەڵەكەماناو بۆ زیاد كردنی یەكگرتن‌و سودمەندی كۆمەڵەكەمان بەكەڵكە، ئەوەیە كە لەنێوان ئەندامەكانیا خۆشەویستی‌و باوەڕ بەیەكتر كردن‌و هاریكاری هەبێت. وەخۆیان فێر بكەن‌و ڕابێنن بۆ ئامۆژگاری كردن‌و ڕاهێنانی یەكتر لەسەر ئارام گرتن‌و حەق تا خۆیان‌و خەڵكی تریش لەڕێگەی بانگەوازەكەدا بەرەو پێشەوە بڕۆن.

Komalaeaty

رژێمی هیچ كۆمەڵێك لەسەر زەویدا، ناتوانێت دەسبەردارە ئەو سیفەتانە ببێت، خۆ ئەگەر بێت‌و هەر كەسێك هەر بۆ خۆی هەڵگرو ڕازاوەی بەرزترین سیفاتی پاك‌و ڕەوشتی جوان بێت بەڵام بەبێ ئەوەی بەو سیفاتە كۆمەڵایەتیانە خۆیان بڕازێننەوە، ئەوا هەرگیزاو هەرگیز ناتوانن لوڕووی ناهەقییدا بووەستن‌و بەرەنگاری سوپاكەی بكەن‌و دژی بووەستن. زیادە ڕەوی‌و لەحەق لادان نیە ئەگەر بڵێم نەتەوەی ئیسلامی تا ئێستاو ئێستایش كەسانی ڕازاوەی بەسیفات‌و ڕەوشتی جوان ـ بەڵام بەشێوەیەكی تاكی ـ لەكەسانی هەموو نەتەوەكانی سەر زەوی زۆرترەو هیچ نەتەوەیەك حەددی نیەكەسانی وا پاكی ببێت‌و ناتوانێ‌ ئەوەندە زۆریشی ببێت، هیچ نەتەوەیەك نیە بتوانێ سەر بەرز بكاتەوەو بڵێت وانیە. بەڵام ئەم دیاردەو تایبەتمەندییە لەسنوری كارچاكی تاكە كەسی (فەردی) دەرناچێت.

منیش ئەڵێم، ئەوانەی كەوا بەرەو بەرزترین پایەكانی كارچاكی تاكی بەرز بوونەتەوە، ئەوپەڕەكەی هەر ئەوەندە بڕیان كردووە كە بەهۆی پاكە ژیانی خۆیانەوە كاریان كردۆتە سەر سەدەها یان هەزارەها كەس ئەمجا بەرەو لای خوای خۆیان گەڕاونەتەوەو هەندێ‌ شویچنەواریان لەدوای خۆیان بەجێهێشتووە كە بەڵگەی پیرۆزی‌و بەرزی ژیانیان بێت، بەڵام ئەم ڕێگەیە بۆ بەدیهێنانی ئیشوكاری كۆمەڵایەتی مەزن‌و گەورە بەس نیە.

پاڵەوانێك با زۆر بەهێزو لێهاتوو ‌و ئازایش بێت‌و بشتوانێ‌ شتی قورس هەڵگرێ‌‌و لەزۆرانبازییدا دەرەقەتی چەندەها كەس بێت، بەڵام هەرگیزو بەهیچ شێوەیەك ناتوانێ‌ لەڕووی پۆلێ‌ لەسەربازی ڕێكو پێك كراودا بووەستێ‌. هەر بەو جۆرەش، هەرچەندە ئێمەش كەسانمان هەبن‌و هەموو قۆناغەكانی كارچاكیان بڕیبێت. بەڵام لەیەكەوە بەستراوی‌و دەسباردانی كۆمەلایەتییدا بێبەش بن، هەر وەك ئەو پاڵەوانە وەهان كە لەڕێكخراوەیەكی ڕێكو پێكدا ئەندام نەبێت، كەچی بشچێتە مەیدانەوەو داوای زۆرانیازی‌و جەنگ بكات بەرامبەر تیپێكی ڕێكو پێك كراو لەدوژمنانی لەڕووی پاكیو چاكی تاكیەوە كۆمەڵەكەمان ئەوەندەی تێدایە كەدڵ خۆش بكات، زۆری تیایە لەوانەی كەخوای گەورە ڕەوشتی بەرزو ژیان خاوێنی پێبەخشیبن، بەڵام ژیانی كۆمەلایەتیمان بەوەشەوە وەها نیە كەدڵنیایی‌و حەسانەوە بێتەدی.

قورئانی پیرۆز هەر لەسەرەتاوە ئەم گیرو گرفتەی لەچەندان ئایەتا بۆ ڕۆشن كردوینەتەوە، دیسان پێغەمبەر صلی اللە علیە وسلم بەجوانی‌و تەواوی لەچەندەها فەرموودەیدا شیكردۆتەوە بۆمان.

ئێمە ئەگەر دیراسەی قورئان‌و ئەو كتێبانە كەباسی ژیانی پێغەمبەر صلی اللە علیە وسلم ‌و ژیانی یارەكانی، خوا ڕازی بێت لێیان بكەین ئەبینین لەلاپەڕكانیاندا لەڕووی رشەوشتی كۆمەڵایەتیەوە نموونەی كرداری ئەوەندە زۆرە كە لەژمارە نەیەت.

پێویستە دیراسەی ئەو كتێبانە بەووردەكارییەكی زۆرەوە بكەن هەتا تێبگەن‌و بزانن لەڕژێمی كۆمەڵایەتیتانا چیتان ناتەواوەو لەچ ڕوو ‌و لایەنێكەوەیەو بیر لەچارەسەرییەكەشی بكەنەوە.

ئاشكرایە هەموو كەسێك لەژیانی ئەم دنیایەدا لەگەڵ كەسانی تردا هەڵسوكەوتی هەیە، جائەگەر لەنێوان ئەو كەسانەدا باوەڕ بەیەكتر كردن‌و دڵخۆشیدانەوەو دڵسۆزی‌و ئاگا بوون لەیەكترو قوربانیدانیان بۆ یەكتر نەبێت، بێگومان جیاوازییان لە سرووشتدا یارمەتیدان‌و هاریكارییان لەگەڵ یەكتردا ڕاپێچ ئەكات، چونكە ڕژێمی كۆمەلایەتی سروشتی وایە ئەگەر تۆ واز لەشتێك نەهێنی بۆ خەڵك‌و خەڵك واز لەشتێك نەهێنی َ بۆ تۆ ئەو ڕژێمە ناچێت بەڕێوە.

جائەگەر ئێوە ئەو قوربانیدان‌و خۆنەویستیەتان تێدا نیەو لەخۆتانا نایبینن‌و ئامادەییتان نیە بۆی، هەرگیزاو هەرگیز بیر لەگەردش‌و شۆڕش بۆ گۆڕینی ژیانی كۆمەلایەتی مەكەنەوە.

"پێداویستیەكانی جیهاد كردن لەڕێی خوادا"

جۆری سێیەم لەسیفاتەكانی ئادەمیزادی موسڵمان ئەو سیفاتانەن كەبۆ جیهاد كردن لەڕێی خوادا پێویستن، لەقورئان‌و سوننەتدا وانەبێ‌ هەر تەنها باس كراین، بەڵكو هەریەكە لەو سیفاتانە بەدرێژی باس كراوە، چ لەڕووی جۆرەوە چ لەڕووی پلەوە. لەبەر ئەمەش پێویستە دیراسەی قورئان‌و سوننەت بكەن تالەوم ڕووەوە حوكمەكان‌و فیركارییەكان بزانن وە بزانن بەكام خۆ ئامادە كردن بۆ جیهاد كردن لەڕێی خوادا خۆتان چەكدار ئەكەن، لەمەودوا ئەمەوێ‌ بەكورتی ئاماژە بۆ هەندێ‌ لەو سیفاتانە بكەم.

یەكەمین سیفات لەوانە ئارام گرتن (الصبر)ە.

لە یادتانە چۆن باسمان كرد‌و ئەشزانن لەقورئان‌و فەرموودەكانی پێغەمبەرا صلی اللە علیە وسلم وا نەبێت ئارامگرتن هەر بۆ جیهاد كردن لەڕێی خوادا پێویست بێت‌و بەس بەڵكو لەپێداویستیە زۆر پێویستەكانی هەموو ڕێگەیەكە لەڕێگەكان. بەڵام جیاوازی ئەم‌و ئەوان ئەمەیە، جیهاد كردن لەپێناوی دنیادا جۆرە ئارامگرتنێكی تری ئەوێت.

ئارامگرتن بۆ جیهاد كردن لەڕێی خوادا چەند شێوەیەكی هەیە لەوانە: خۆپاراستنێكی تەواو لەیەكێك لەكارەكانتانا لەڕووی پەلەكردنەوە وە لەڕووی نانی هەنگاوەوە پێش ئەوەی كاتی هاتبێت.

خۆدەرخستن‌و خۆنواندن بە بەردەوامی لەسەركاركردن‌و خۆگرتن‌و نەپسان لەكاتی ڕوو بەڕوو بوونەوە لەگەڵ گریِ‌و كۆسپدا لەكاتی تەنگانەو زەحمەتا.

دڵتان بێ هیوایی‌و لاوازی ڕووی تێنەكات ئەگەر هاتو ئەو مەبەست‌و ئامانجانەی كەتێكۆشانتان كردووە بۆیان درەنگ دەركەوتن، وەئەبێت بەرامبەر بەو درەنگ دەركەوتنە بێووچان تێكۆشان بكەن.

چاوتان نەترسێت لەبەرامبەری ئەو هەڵوێستە سامناك‌و زیانمەند‌و تەماع نوێنانەدا كە لەكاتی هەنگاونانا بەرەو مەبەستەكانتان دێنە سەر ڕێگەی ژیانتان.

هاوسەنگێتی بیر (التوازن الفكری)تان لەدەست دەرنەكەوت لەژلۆق ترین‌و سەخترین شوێنەكانی هەست‌و سۆزی هەڵچوودا وەهیچ هەنگاوێك بەهەڵچووێتی نەنێت بەڵو ئەیێ‌ بەبیر‌و سەرنجەوە ئەم دیوو ئەو دیوی بكەن‌و ئەبێت بەبێ‌ هێمنی‌و عەقڵ ساغی‌و دڵئارامی‌و زاڵ بوون بەسەر هەستی خۆكردا هیچ كارێك نەكەن.

ئاشكرایە ئێوە هەر ئەوەتان بەس نیە كەئارام بگرن، بەڵكو ئەبێت لەگەڵ ئەوەشدا خەڵكی فێری ئارامگرتن بكەن. هێزە ناحەزەكانی ئیسلام لەپێناوی مەبەستە ناهەقیەكانیاندا هەوڵی ئارامگرتن‌و خۆچەكداركردن بەئارامگرتنەوە ئەدەن‌و داویانە. ئێوەش پێویستە لەسەرتان كەوا خۆتان لەوان چەكدارتر بكەن پێی‌و لەئارامگرتنا پێشیان بدەنەوە هەتا بیان بەزێنن‌و ملكەچی فەرمانی حەق ببن، ئەها خوا ئەفەرمێ‌: "وصابرو" لەدوای ئەوەی كەفەرموویەتی: "یاأیها الذین آ‌منوا اصبروا".

ئەوانەی كەئێوە ئەتانەوێ‌ بچن بەگژیانا‌و لەگەڵیانا بجەنگێن تا ئاڵای حەق بەرز بكەنەوە، ئەبێ‌ بەراووردی ئارامگرتنی ئەوان‌و ئارامگرتنی خۆتان بكەن، لەوانەیە ئێوە لەو ڕووەوە دەیەكی ئەوان خۆتان ئامادەو چەكدار نەكردبێت. كارەسات‌و ترس‌و بیمی جەنكی جیهانی دووەم بخوێننەوە تابزانن ئەو ئارامگرتنەی كە ئەڵمانیەكان‌و یابانیەكان‌و ئەمریكیەكان‌و. .هتد خۆیانیان پێ چەكدار كردبوو لەچ سنوورو ئاستێكا بوو لەپێناوی یەرزكردنەوەی ووشەی ناهەقیشدا!!تابزان چۆن خۆیان بەدەستی خۆیان دەزگاو كارگەو ماڵ‌و ئێستگەكانی خۆیانیان ئەسووتاند. دیارە سامان‌و داراییەكی زۆر زۆر‌و تێكۆشانی بێوچان‌و سەرەمرشەیان بۆ ماوەی چەندەها ساڵ خەج كردووەو داوە لەڕێی دروست كردنیاندا، بەڵام بارودۆخی جەنگ ئەو سوتاندنەی ئەویست.

تابزانن چۆن شیچرانەبەرەو مەرگ ئەچوون‌و خۆیان بەرامبەر ئەو دەبابانەی كەسەپا بەهێزەكانی بەتایە پۆلاینەكانی ئەشێلا، خۆیان ئەگرت.

چۆن بەوپەڕی ئازایەتی‌و دامەزراوییەوە لەژێر سیچبەری فرۆكەكانی دوژمنا كەمەرگ بەباڵەكانیانەوە بوو ئارامیان ئەگرت.

جا تائیچوە ئارامگرتنتان بەرز نەبێتەوە بۆ ئاستی لەسەدا سەد‌وپێنج (105./.) لەچاو ئارامگرتنی ئەوانەدا، هەرگیز ناتوانن ڕابپەڕن‌و بەگژیاندا بچن. وەمادام ئێوە لەچاو ئەوانا. لەبەرامبەری ئەوانا لەڕووی خۆئامادەكردن‌و چەكەمەنی (العدە والعتاد)ەوە شتێكی ئەوتۆ نەبن، ئەوا هەرگیز ناتوانن ئەو كەمی خۆئامادەكردن‌و چەكەمەنیە لەناو ببەن‌و چارەی بۆ بدۆزنەوە، ئەگەر بێتو پەنا نەبەنە بەر چەكی ئارامگرتن‌و دامەزراوی‌و خۆگرتن.

دووەم پێداویستی لەپێداویستیەكانی جیهادكردن لەڕێی خوادا لیبوردن‌و خۆشەویستی‌و قوربانیدان (الایثار والتضحیة)یە. قوربانی لەلێهاتنی فیكرییداـ واتە: بەلێهاتنی فیكری ـ وە قوربانیدان بەو پاشەڕۆژەی كە ئەدرەوشێتەوە، هەروەها قوربانیدان بەهیواو ئاوات. بەپێی ئەم پێوەرەش ئێمە لەم لایەنەوە لەچاو هەڵگرانی ئاڵای كوفرا دواكەوتوو و بەجێماوین.

ئێمە ئەگەر بمانەوێت لەڕووی ژمارەو چەكەمەنیەوە كەموكورتی خۆمان نەهێڵین‌و بمانەوێ‌ سەركەوین بەسەر هیچزە ناحەزەكانمانا، ئەبێ‌ لەخۆنەویستی‌و قوربانیداندا پیچشیان بدەینەوە بەڵام ئەوەی كەوا دڵ ئەكزێنێتەوەو چاو دێنێتە فرمێسك ڕژاندن ئەوەیە كاممان بگریت هەرچیەك كەخوا پێی بەخشیوە لەهێزی لاشەیی‌و لێهاتنی فیكری ئەیفرۆشێت بەدوژمنانی خوا بەپارەو سامانێكی زۆر كەم.

ئا بەم جۆرە جەوهەری نەتەوەی ئیسلامی ون ئەكرێت بەبێ‌ ئەوەی هیچ كەڵكێكی لێوەر بگیرێت. وەخەریكە زۆربەی كەسەكانی ئەم نەتەوەیە لێیان نەیەت قوربانی بە بەشێكی كەمی دەسكەوتی زۆر‌و فراوانی خۆیان یان لیچهاتنی خۆیان بدەن لەپێناوی خزمەت كردنی ئایینی خوادا.

جا ئەگەر نەتوانن ئەم جۆرە قوربانیانە بدەن‌و نەتوانن خەباتی خۆیان بۆ جیهاد كردن لەڕێی خودا خەست بكەنەوە، ئیتر بزوتنەوەی ئیسلامی لەم ڕۆژگارەدا چۆن ئەتوانێت بەرەو بەرزی ڕوو بنێت. .چۆن لەگێتیدا گەشە ئەكات‌و پەرە ئەسێنێ‌؟ ئاشكرایە هیچ بزوتنەوەیەكی دنیا لەڕێگەكەی خۆیدا ناتوانێت یەرەو پێش بڕوات ئەگەر بێتو تەنها پشت بەجەماوەری سەربازان ببەستێت، چونكە بەسەرباز كراوان لەڕژێمی هەموو كۆمەڵێكا وەك هەردوو دەست‌و هەردوو پێ وەهان لەلەشدا.

دەی ئەو دەست‌و پێیانە بەكەڵكی شت دێن ئەگیر بێتو دڵی ژیرو عەقڵی بیر كەۆەوە نەبن بۆ بەكارهێنانیان؟

بەداڕشتنێكی تر. .ئێمە پێویستمان بەپلەی یەكەم بەو یەركردەو ئەفسەرانە هەیە هەتا ئەو سەرباز كراوانە بەكار بهێنن. بەڵام ئەوەی جێی داخە، ئەو كەسانەی كەبەشێك لەهێزی فیكری‌و دەروونیان هەیەو لەپلەی یەكەمدان لەكەسانی هێزی نەتەوەكەمان، ئەوانە چاویان بڕیوەتە بەرز بوونەوەی دنیایی. .شەوو ڕۆژ تێئەكۆشن بۆی. .كە هاتنە ناو بازاڕ ڕائەكەن بەرەو لای ئەوانە كەبەنرخی بەرز بەرز مامەڵەیان لەگەڵدا ئەكەن، ئیتر خۆیان ئەوەندە نەبەستۆتەوە بەبانگەوازەكەوە كەئامادەی قوربانیدان بەكەڵك‌و سودەكانیان لەپێناوی بانگەوازەكەدا هەبیچت یاخۆ كەڵك‌و سودەكانیان لەپێناویا بخنە بەر مەترسی.

جا ئەگەر بەتەما بن پشت بەم سۆزە ساردە ببەستن‌و بشتانەوێت لەجەنگا سەربكەون بەسەر خراپەكارانی سەر زەویدا، كەڕۆژانە ملیۆنەها جونەیه (جنیە) لەپێناوی مەبەستە پوچەڵەكانیانا خەرج ئەكەن، بێگومان ئەو بەتەمابوونەتان لەگەمژەیی بەولاوە هیچی تر نیە.

سێیەم پێداویستی لەپێداویستیەكانی جیهاد كردن لەڕێی خوادا دڵگەرمی‌و بەستراوی ئەو دڵەیە بەمەبەستەكەیەوە بەڵام ئادەمیزاد هەر تەنیا تێگەیشتنی لەمەبەستەكانی ئەم بزوتنەوەیە‌و دڵنیا بوون لێی كەعەقڵی پەسەندی ئەكات‌و بەڕاستی ئەزانێت بەس نیە، بەڵكو ئەوە هەنگاوێكی سەرەتای ئەم ڕێگەیەیە‌و خەریكە بڵێم نەتینویەتی ئەشكێنێ‌‌و نەبرسێتی ئەڕەوێنێتەوە.

پێویستە لەناو دڵتانا ئاگرێكی بڵێسەدار هەبێت، بەلایەنی كەمەوە لەبڵێسەكەیدا وەك ئەو ئاگرە وەها بێت كەبەر ئەبێتە دڵی ئەو كەسەتان كەكوڕەكەی خۆی ئەبینێ‌ بەنەخۆشی، ئەها هەتا ئەیفڕێنێ‌ بۆلای پزیشك دامركانی بۆنیە! یان وەك ئەو ئاگرە وەهابێت كە ئەكەوێتە دڵتانەوە لەكاتێكا ئەبینین لەماڵەكانتانا ئەوەندە خۆراك نیە كەبرسێتیتان‌و برسێتی مناڵەكانتان نەهێڵێ‌، ئەها یەكسەر غەم‌و پەژارە داتان ئەگرێت‌و خێرا ئەكەونە هەوڵ‌و تێكۆشان‌و چی لەتواناتانا ببێت ئەیكەن!!

پێویستە لەناو دەروونتانا سۆزێكی ڕاستەقینە هەمیشە بەرەو تێكۆشان ڕووەو مەبەستەكەتان پاڵتان پێوە بنێت. دڵتان بەدڵنیایی ئارام‌و ئاوەدان بكاتەوە. .دڵسۆزی‌و خۆداماڵین لەشتی دنیایی، وەئاینداری بدات بەعەقڵتان، بیر‌و تێكۆشانتان خەست‌و بەپێز بكات، بەجۆرێك كە بەناچاری بتان پەرژێ‌ بەسەر ئیشوكارو گیروگرفتی خۆتان‌و خێزانەكانتانەوە.

پێویستە هەوڵبدەن تەنها بەشێكی زۆر كەم لەخەباتتان، لەهەوڵ‌و ڕەنجتان تەرخان بكەن بۆ بەرژەوەندی‌و ئیشوكاری كەسی خۆتان، بەڵكو ئەوی تری تەرخان بكەن بۆ خزمەتی ئەو مەبەستەی كەلەپێش چاوتان گرتووە لەژیانتانا. ئەو سۆزەش ئەگەر بێتو لەبیر‌و هۆشتانا بنج بەست نەبێت، لەگەڵ گیانتانا، لەگەڵ خوێنتانا تێكەڵ نەبێت‌و هاتووچۆ نەكات، دڵ‌و بیرتان نەگرێتە چنگ خۆی بەقسەی ڕووت هەرگیز ناتوانن وەستاوێك بجوڵێنن.

ئەی نابینن كەماوەیەكی دوورو درێژە زۆربەی خەڵك لەڕووی فیكر‌و بیرەوە ئامادەن بێن لەگەڵمانا‌و لایەنگریمان بكەن كەچی بەشێكی كەمیان بەخوێن‌و سامان‌و خۆیانەوە لەڕووی كاركردنەوە بەشداریمان ئەكەن؟

پێش چەند ڕۆژێك یەكێك لەهاوڕێ‌ مۆنەكانمان لای من ددانی پێدانا كەتەنیا لەسەر بنەڕەتی دڵنیا بوونی بیر (الطمأنینة القلبیة) ی ڕووت لەگەڵماندا بووە لەم نێوەندەدا بانگەوازی كۆمەڵایەتی بەدڵیا نووساوەو لەمێشكیا چەسپاوە. خۆزگە هەموو كەسانمان ئابەو شێوەیە بیری لەكاری خۆی ئەكردەوەو لێپرسینەوەی گیانی خۆی ئەكرد تابزانێ‌ ئایا ئەندامێكی فیكری ڕووتە یاخۆ ئاگری سۆز‌و شەیدا بوونی مەبەستە كە لەدەروونیا كڵپەی سەندووە؟ ئەوساش ئەگەر ئەیزانی پەیوەندی نێوان خۆیی‌و ئەم كۆمەڵە بەهێز نیە، تێئەكۆشا بۆ سازش كردنی ئائەو سۆزە لەناو ناخی خۆیدا.

لەڕاستیدا ئەگەر ئادەمیزاد دڵی بەسترا بێت بەمەبەستەكەیەوە، بیری هەر بەسەر ئەوەوە بێت، بێگومان پێویستی بەپاڵ پێوەنان‌و هاندان نیە هەركەش ئەو هێزە لەكەسانی بانگەوازەكەدا هەبێت موستەحیلە كەهیچ لقێك لەلقەكانی چالاكی بڵاوكردنەوەی ئەم بانگەوازە پەكی بكەوێت‌و بێتوانایی‌و ئیفلیج بوون ڕووی تێبكات گەرچی كەسێكیش لەكەسانی بانگەوازەكە لەشوێنێكەوە بگوێزرێتەوە بۆ شوێنێكی تر یان واز لەبانگەوازەكە بێنێ‌.

بەڵێ‌، ئەگەر یەكێكتان مناڵێكی نەخۆش بكەوێت، دیارە مەسەلەی ژیان‌و مەرگی ئەو مناڵەی ناداتە دەست هیچ كەس، ئاستەمیشە كە هەروا بەجێی بهێڵێت بە بەهانووی ئەوەوە گوایە كەس نیە چارەسەری بكات یان دەرمانی بۆ بێنێ‌ یان بیبات بۆلای پزیشك. بێگومان ئەگەر كەس نەبێت بەم كارانە هەڵسێت ئەوا خاوەن مناڵەكە خۆی پێیانهەڵئەسێتن چونكە مناڵەكە مناڵی ئەوەو ئەوم لەهەموو كەسێكی تر تزیكترە بۆی. ئەگونجێت كە كەسێك گوێ‌ بەمناڵی كەسێكی تر نەدات‌و خۆی بەبیر كردنەوە لەگوزەرانی ئەو مناڵە نە پەشۆكێنێ‌، بەڵام موستەحیلە كەچاوی خۆی لەئاستی منالچی خۆیا بقووجێنێ‌، چونكە جگەر گۆشەیەتی‌و دڵی بەرایی نادات كە دەسبەرداری ببێت.

هەر بەو جۆرەش ئەگەر پەیوەندیتان لەگەڵ ئەركی ئائەم بانگەوازەدا لەقوڵایی دڵتانەوە بێت، چۆن بۆتان ئەكرێت كەوا وازی لێبهێنن‌و پشتی تێبكەن‌و گوێی نەدەنێ‌‌و بەهیوای خەڵكی تر بن ئەركی بگرێتە ئەستۆ؟ هەروەك موستەحیلە كەسێك بهێڵێت مناڵەكەی گیانكەنشت بكات‌و كەچی لەماڵەوە خۆی بەئیشوكاری ترەوە بپەشۆكێنێ‌ بەبەهانوی ئەوەوە كە كەس نیە یارمەتی بدات، هەر بەو جۆرەش بەگوێەری ئەم بانكەوازەوە ئەبێ‌ وەهابن كەئەو باوكە دڵسۆزە پێی هەڵئەستێت.

ئەو كەمتەرخەمیەی كەئەكرێت، بەڵگەی كزی‌و لاوازی خۆتانە. بێتینی پەیوەندیتانە لەگەڵ ئایینی حوادا، لاوازی تێكۆشانتانە لەجیهاد كردنا بۆ بەرز كردنەوەی ووشەی"اللە" لەسەر زەویدا، وەك پەیوەندی كەسێك بەمناڵی خەڵكی ترەوە وەهایە. ئەگەر پەیوەندیتان بەو مەبستەوە كەداوای ئەكەن‌و تێئەكۆشن بۆی بەهێز بێت لەڕاستیدا، ئەوا هەریەكەتان لەبەر خاتری ئەو بانگەوازە خۆی لەبیر ئەچێتەوە‌و لەپێناویا گوێ‌ بەمەرگ یان چیان نادات.

مۆڵەتم بدەنێ‌ تاپێتان بڵێم، ئێوە لەهەنگاونانتانا لەڕێگەی ئەم بانگەوازەوە، ئەگەر هەنگاوەكانتان، لەو هەنگاوانەی كەدەیان نێن بەرامبەر هاوسەرەكانتان، مناڵەكانتان، باوكان‌و دایكانتان، ساردتربن‌و لەسۆزی دڵەكانتانەوە هەڵنەقوڵابن، بێگومان دووچاری ژێركەوتنێكی پیس ئەبن، ژێركەوتنێكی وەها كە لەدواییدا نەوەكانی داهاتوو نەوێرن تاماوەیەكی دوورو درێژی ڕۆژگار نەوێرن بیر لەبزوتنەوە بكەنەوە. پێویستە هێزە دڵییەكاناتن، ڕەوستییەكاناتن بخەنە كارەوە لەپێش ئەوەدا كەبیر لەناخی خۆتانا ئەزایەتی‌و هێزی هەڵمەت بردن‌و خۆئامادەكردن لەڕێی خوادا ئەیەوێت بچێنن.

چوارەمین پێداویستی لەپێداویستیەكانی جیهاد كردن لەڕیبَی خوادا، ڕاهێنان‌و ڕامكردنی خۆتانە لەسەر تێكۆشانی بەردەوام‌و نەپچڕاو‌و ڕێگەی ڕێكو پێكك كراو. ماوەیەكە نەتەوەكەمان ڕاهاتووە لەسەر ئەوە بەو كارانەوە خۆی خەریك بكات كەكاتی كەمیان بووێت، هەنگاوێك بنێت كەلەنێوان شەوو ڕۆژێكا بەرهەمەكەی دەركەوێ‌، ئیتر چش لەو هەموو كارانەی كەوا لەمەوبەر كردوویەتی گەرچی ببن بەگەرد بەدەم گەردەلوولەوە. پێویستە كەوا ئەم خووەتەتان بگۆڕن، خۆتان رَابێنن لەسەر ئەو كارە چەسپاوانەی كەشەێنەوارەكانیان، ئەنجامەكانیان درەنگ‌و لەڕێگەی ڕێكو پێكەوەو بەهێواشی دەرئەكەون.

هەركارێك، هەرچەندە لەبەر چاوی ئێوەشدا سووك‌و بێبایەخ بێت، ئەگەر خۆی لەخۆیا بایەخدار بێت‌و پێتان بسپێررێت پێویستە لەسەرتان هەموو تەمەنتانی لەپێناوا بەرنەسەر بەبێئەوەی چاوەنواری ئەنجامێكی خێراو بینراوی لێبكەن. وەبەبێئەوەی بەتەمابن خۆشەویست ببن پێیان لەسەر تێكۆشانەكەتان سوپاس بكرێن.

مەیدانی جیهاد كردن لەڕێی خودادا، هەمووو كاتێك سەلامەت نیە‌و هەموو كەسێكیش لەجەنگاوەران لەڕیزەكانی پێشەوەدا ناجەنگێت، بەڵكو كوشتارـ جەنگ ـ ی یەكجار لەمەیدانی جیهاد كردندا پێویستی بەئامادەییەكی بێدەنگی ساڵەهای دوورو درێژ هەیە، چونكە ئەگەر لەوێدا هەزارەها جەنگاوەر لەڕیزەكانی پێشەوەدا بەرامبەر دوژمن بجەنگێن، بێگومان لێرەشدا دەیەها، بگرە سەدەها هەزار تەرخان ئەكرێن بۆ ئەو كاروبارانە كەپەیوەندیان بەپێداویستی. .جەنگەوە هەیە كەبەڕواڵەت سووك‌و بێبایەخن.

 

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics