٤ جەمادی یەکەم، ١٤٣٩هـ
قەبارەی نووسین

كۆمەڵەی سەركەوتوو"الفرقە الناجیە"

ئیمامی بوخاری لە (الجامع الصحیح )ە كەیدا دەڵێت: حوذیفه دەفەرمێت: كان الناس يسألون رسول الله (صلى الله عليه واله وسلم) عن الخير وكنت اساله عن الشر مخافة ان يدركني، فقلت: يا رسول الله ! انا كنا فى جاهلية و شرّ، فجاءنا الله بهذا الخير، فهل بعد هذا الخيرمن شرّ؟ قال: نعم، قلت: وهل بعد هذا الشرّ من خير ؟ قال: نعم و فيه دخن، قلت: وما دخنه ؟ قال: قوم يهدون بغير هدي،كۆمەڵەی سەركەوتوو تعرف منهم وتنكر، قلت: وهل بعد ذلك الخيرمن شرّ؟ قال: نعم دعاة على ابواب جهنم، من اجابهم اليها قذفوه فيها، قلت: يارسول الله صفهم لنا: قال: هم من جلدتنا ويتكلمون بالسنتنا، قلت: فما تأمرنى ان ادركنى ذلك قال: تلزم جماعة المسلمين وامامهم، قلت: فان لم يكن لهم جماعة و لا امام ؟ قال: فاعتزل تلك الفرقَ كُلَّها ولو ان تعض باصل شجرة حتى يدركك الموت وانت على ذلك ) . خەڵكی هەموو پرسیاری شتی خێریان لە پێغەمبەری خوا(صلی الله علیه وسلم) ئەكرد بەڵام من پرسیاری شتی شەڕم لێئەكرد، لە ترسی ئەوەی نەك بكەومە ناوی، (رۆژێكیان)ووتم: ئەی پێغەمبەری خوا ! ئێمە لەناو نەفامی خراپەیەكی زۆردا بووین خوا ئەم خێرەی بۆ ناردین، ئایا دوای ئەم خێرە شەڕو خراپە دێتە ناومان؟ پێغەمبەر فەرمووی: بەڵێ! ووتم: ئەی دوا ئەو شەڕە خێری تر بە دوایدا دێت؟ فەرمووی: بەڵێ، بەڵام تەمومژێكی تێدایە! ووتم: قوربان تەمومژەكە چۆنە؟ فەرمووی: خەڵكانێك پەیدا ئەبن بەرچاوڕوونی لە جگە لە سووننەتەكانی منەوە وەردەگرن، هەندێ شتیان چاكە لاتان و هەندێ شتیشیان خراپە لاتان،ووتم: ئەی پاش ئەو چاكەیەش خراپەی ترمان دێتە ناو؟ فەرمووی: بەڵێ! هەندێ دەڵاڵ پەیدا ئەبن خەڵك بۆ جەهەننم بانگ ئەكەن و ئەوەشی بچێت بەدەمیانەوە ئەیخەنە جەهەننەم! وتم: ئەی پێغەمبەری خوا! ئەوانەمان بۆ وەسف بكە! فەرمووی: ئەوانە لە خوێن و گۆشتی خۆمانن و بە زمانێكی دینیش قسە ئەكەن! وتم: فەرمانت بە چییە ئەگەر من كەوتمە ئەو سەردەمە(چی بكەم؟) فەرمووی: پابەندبە بە كۆمەڵی موسڵمانان و پێشەوای موسڵمانانەوە،وتم: (باشە قوربان) ئەگەرموسڵمانان كۆمەڵیان نەبوو، هەروەها پێشەواشیان نەبوو؟ فەرمووی: لە هەموو ئەو دەستە و تاقمانە خۆت بەدوور بگرە ئەگەر قەپت كردووە بە رەگی درەختێكدا، هەر وابە تا ئەجەلت تەواو ئەبێت!!

پێشئەوەی باس لە مەنهەجی ئەهلی سووننەت و جەماعەت بكەین،چەند تێبینییەك زۆر پێویستە لێرەدا بیدەین بۆ تێگەیشتن لە مانای ئەم جۆرە فەرمودانە:

تێبینی یەكەم:

ئەم فەرمودەیە سەرەتایەك و كۆتاییەك باس دەكات ... سەرەتاكەی بریتیە لەوەی بە زەقی لەناو ئەو خێرەدا دیارە كە( كۆمەڵی موسوڵمانان ) كێن و كامانەن، بۆیە هەڵوێست خێرا دەتوانرێت دیاری بكرێت و پابەندی بكرێت پێوەی كە ئەویش لە دوو بواردا دەردەكەوێت:

1ـ بواری بەرنامەو پرۆگرامی موسڵمانان .

2ـ بواری سوڵتان و دەسەڵاتی موسڵمانان .

پابەندی بە كۆمەڵی موسڵمانانانەوە واتە (پابەندی) بە هەردوو (بوار)ەكەوە، پابەندی بە بیرو باوەڕ و كردەوە و نەخشەی پێغەمبەرە وە (صلی الله علیە و وسلم) لە هەموو كارو ئیشێكی دا، هەروەها پابەندی بە (گوێڕایەڵی )ەوە بۆ ئەو دەسەڵاتە لە بوارە سیاسییەكەیدا.

كۆتایەكەشی كە باسی لێوە دەكات ئەوەیە كە كۆمەڵیك دروست ئەبن لەسەر قەراغەكانی دۆزەخ ئەوەستن و خەَلك كۆ دەكەنەوە و بەرەو دۆزەخیان دەبەن . كە ئەمەش دیارە هەموو بوارێك و دیاردەیەكی سیاسی بۆ (كۆمەڵی موسوڵمانان ) نەماوە و تەنیا چوارچێوە زانستیەكەی ماوە ، كەواتە "كۆمەڵی موسوڵمانان" دوو مانای هەیە:

1ـ مانایەكی زانستی.

۲ـ مانایەكی سیاسی .

ماناو چوارچێوە زانستیەكەی بریتیە لە شوێن كەوتنی بەرنامەی پێغەمبەر(صلی الله علیه واله وسلم) لە (دید ) ولە (كار) دا، كە بە درێژایی مێژوو بریتی بووە لە بەرنامەی ئەهلی سوننەت و جەماعەت و ئەوانەی كە ئەمەكدارانەو بەڕاستی شوێن ئەو بەرنامەیە كەوتوون.

مانا و چوارچێوە سیاسیەكەشی بریتی یە لە خەلیفە و دەسەڵاتی ئیسلامی كە ئەو خەلیفەیە كوفری ئاشكرای لێ‌ نەبینرابێت كە لە خواوە بەڵگەمان بەدەستەوە بێت بۆ رەتكردنەوەی گوێڕایەڵی و مافەكانی.

جا ئەگەر خەلیفە یان پێشەوا، كوفری ئاشكرای لێ‌ دەركەوت و شەرعیەتی سوڵتانەكەی نەما، ئەوە ئەركەكان و مافەكانی ئەو یەكسەر ئەكەوێتە سەر شانی ( ئەهلی حەل وعەقد ) لە زانایان وئەوانەی گوێ بۆگیراون لە ناو میللەتی ئیسلامیدا و پێویستی سەر شانی ئەوانە كە میللەتی ئیسلامی لە دەوری دەسەڵاتدارێكی گوێ بۆگیراو كۆبكەنەوە و كارە ئیسلامیەكانی پێ‌ بەڕێوە ببەن و لەگەڵیدا جیهاد بكەن و دەسەڵات بۆ ئیسلام بگێرنەوە و یاسای خوا بكەنە فەرماندار و دەرسی ستەمكارو ئاژاوەچی و بەرەڵاكان دابدەن... ئەهلی حەل وعەقدیش بریتین لە هەموو ئەو كەسانەی كە قسەیان ئەڕوات و گوێیان بۆ دەگیرێت چ زانایان بن و چ پیاوانی خاوەن شەوكەت و دەسەڵات بن .

ئەوەی كە پێشەوا ــ نەوەوی ــ رحمە الله ــ ئەفەرمێت: ( بریتین لە زانایانی ئیسلام و كاربەدەستان وپیاوانی ماقووڵ )، پێشەوا "ڕەمەلی " كە شەرعزانێكی گەورەی شافعییەكانە هۆكەی باس دەكات و دەڵێت: ( لأن الامر ینتظم بهم ویتبعهم سائر الناس)... (نهایە المحتاج للرملی: ۷ا۱۲۰ پەراوێزی (شرعیە الا نتماء : ل/96)

چونكە كاروبارەكان بەوان رێكدەخرێن و كۆنترۆڵ ئەكرێن و خەڵكی تریش هەموو شوێن ئەوان ئەكەون.

تێبینی دووەم:

 

ئەو حەدیسە چوار حاڵەتی ئیسلامی باس ئەكات كە لە بەرانبەریشیدا چوار هەڵوێست دائەنێت: دووانیان حوزەیفە باسیان ئەكات و دوانەكەی تریان لە ئەگەرەكانی ترەوە وەردەگیرێت كە پرسیارەكەی حوزەیفە دروستیان ئەكات.."ئەگەر موسڵمانان جەمع و خەلیفەیان پێكەوە هەبوو، ئەگەر موسڵمانان جەمع و خەلیفەیان پێكەوە نەبوو"، كەواتە ئەی ئەگەر جەمع هەبوو بێ خەلیفە یان ئەگەرخەلیفەی لادەر و جەمعی موسڵمان هەبوو"..حاڵەتەكانیش بە درێژی بریتین لە:

1ـ كۆمەڵی موسڵمانان هەیە و پێشەوایەكی شەرعی و دادپەروەریش هەیە كە رابەرایەتی دەسەڵاتی ئیسلامی ئەكات، هەڵوێسستەكەش ئەوەیە كە پێویستە(بە ئاشكرا و بە نهێنی) پێڕەوی لە ئیسلام بكرێت وئیلتیزامیش بكرێت بەو خەلیفەوە و پشتیوانی لێبكرێت.

2ـ كۆمەڵی موسڵمانان هەیە و پیشەواشیان هەیە بەڵام پیشەواكەیان ستەم ئەكات و لە هەندێ شتتدا لە رێبازی پێغەمبەر(صلی الله علیە و الە وسلم) لا ئەدات، هەڵوێست لەم حاڵەتەدا ئەوەیە كە لە ئاشكرادا ئیلتیزام بەو پێشەوایەوە بكرێت و داری گوێڕایەڵی لەت نەكرێت و گەردنگیری تەواو بە كۆمەڵی موسڵمانانەوە بكرێت .

3ـ تەنیا موسڵمانان هەن نە پێشەوای دادپەروەر و نە پێشەوای ستەمكاریان نییە، هەڵوێستەكەش ئەوەیە كە لە ناوەوە و لە دەرەوەی خۆیدا ئیلتیزام بكات بە كۆمەڵی موسڵمانانەوە (واتە: بە بەرنامە ئیسلامییەكەوە).

4ـ نە كۆمەڵی موسڵمانان بوونیان هەیە و نە پێشەوای موسڵمانانیش، هەڵوێستەكەش ئەوەیە كە موسڵمان ئەبێت پابەند بێت بە بەرنامەی ئیسلامەوە و هەوڵ بدات كۆمەڵی موسڵمانان دروست بكات و بەو شێوەیەش ئەوان هەوڵبدەن پێشەوا بۆ موسڵمانان دروست بكەن..

تێبینی سێیەم

 

موسوڵمان ناكرێت هەرگیز بە تەنیا بژی، بەڵكو ئەبێت بەهەمیشەیی لەناوكۆمەڵدا بژی و بگەڕێت بۆ ( جماعە المسلمین ) لە هەردوو بارەكەیدا، لەباری دەسەڵاتداریدا كەبریتییە لە (خەلیفە و پێشەوا ) و بەرنامەی ئەهلی سوننەت جەماعەت، لە باری بێدەسەڵاتیشدا كە بریتییە لە بەرنامەی ئەهلی سوننەت و جەماعەت..

جا ئەگەر موسوڵمان لە حاڵەتی یەكەمیاندا بوو، ئەوە دوو جۆر پابەندی لێ‌ داوا دەكرێت:كۆمەڵەی سەركەوتوو

پابەندی بە بەرنامەی ئیسلامەوە لە دەروونی خۆیدا، دووەم پابەندی و لانەدان لە فەرمانەكانی خەلیفە (گۆیڕایەڵی خەلیفە و ئەمیرەكانی لە ناوچەكاندا) و هەر بێگوێیەك لەم دوو بارەدا تاوانە و مرۆڤی موسوڵمان بەرە و هەڵدێری بێگوێیی و تاوانباری دەبات و دەبێتە هۆی دور كەوتنەوەی لە (كۆمەڵی موسوڵمانان) و لاواز كردنی دین و قەوارەی دین ئەو كاتەش ئەم فەرموودەیە ئەسەپێت بەسەریدا، كە دەفەرمێت: (ومن خرج من الجماعە قید شبر فقد خلع ربقە الاسلام من عنقه) هەر كەسێك لە كۆمەڵی موسڵمانان دوور بكەوێتەوە ئەوە مەدالیای ئیسلامی لە گەردنی داكەندووە، یان ئەفەرموێت: (یدالله مع الجماعە ومن شذ شذ فی النار) دەستی خوا لەگەڵ كۆمەڵی موسڵماناندایە و هەركەسیش شاز ببێتەوە ئەوە ئەچێتە ناو ئاگرەوە..خوا پەنامان بدات، ئیتر ئەوە بواری (تەئویل) و (بیانوتاشین ) نامێنێ، چونكە پێغەمبەر(صلی الله علیە و الە وسلم)دەفەرموێت: (من خرج من الطاعة و فارق الجماعة فمات، مات میتە جاهلیە، ومن قاتل تحت رایة عمیة یغضب لعصبە او یدعو الی عصبة او ینصر عصبة، فقتل، فقتلە جاهلیة، ومن خرج علی امتی،یضرب برّها و فاجرها ولا یتحاشی من مؤمنها ولا یفی لذی عهد عهده، فلیس منی ولست منه ).( رواه مسلم فی الامارە باب وجوب ملازمة جماعة المسلمین عند ظهور الفتن ).

هەر كەس بێگوێیی پێشەوای موسڵمانان بكات و لە كۆمەڵی موسڵمانانیش جیا ببێتەوە، لەو حاڵەتەدا بمرێت وەك مردنێكی نەفامی ئەمرێت، هەر كەسیش لەژێر پەرچەمێكی كوێرانەدا شەڕ بكات و بۆ تاقمێكی تایبەتی تووڕە ببێت و بانگەواز بۆ تاقمێكی تایبەتی بكات و پشتیوانی لە تاقمێكی تایبەتی بكات و بكوژرێت، ئەوە بەكوشتنێكی نەفامانە ئەكوژرێت، هەر كەسیش یاخی ببێت لەم ئوممەتەی من و بەرببێتە گیانی چاك و خراپی ئەم ئوممەتە و خۆی لە ئیماندارەكانی نەپارێزێت و پەیمانی خاوەن پەیمانەكان نەپارێزێت، ئەو نە ئەو لە منە و نە من لە ئەوم..

هەروەها دەفەرموێت: ( من اطاعنی فقد اطاع الله و من یعصنی فقد عصی الله، و من یطع امیری فقد اطاعنی و من یعص امیری فقد عصانی )...(البخاری فی الاحكام و مسلم فی الامارە ) متفق علیه .

هەر كەس گوێڕایەڵی من بكات ئەوە گوێڕایەڵی خوای كردووە و هەر كەسیش بێگوێیی من نەكات ئەوە بێگوێیی خوای كردووە و هەركەس گوێڕایەڵی فەرماندەكانی من بكات ئەوە گوێڕایەڵی منی كردووە و هەركەس بێگوێیی فەرماندەكانی من بكات ئەوە بێگوێیی منی كردووە..

تێبینی چوارەم:

 

مەبەست بە فیرەق ئەو تاقم و پێڕ و كۆمەڵانەن كەبانگ بۆ (گومڕایی) ئەكەن لەو كەسانەی كە بۆیاخیكی دینیان داوە لە خۆیان و سەرەتای دروست بونیان بە ئیسلامی دەستی پێكردوە و ئێستا پێچەوانە بووەتەوە و بەئەصلێكی گشتی پێچەوانەی ئەهلی سوننەت و جەماعەت رەفتار دەكەن، چ ئەو كۆمەڵانەی كە لەو سێ مەرجەی كە باسمان كرد لا دەدەن و سەر ئەكەن بە یەكدا و پێچەوانەی كۆمەڵی موسوڵمانان دەجوڵێنەوەو دژی دەوڵەتی ئیسلامی دەوەستن .

یان ئەو كۆمەڵانەی كە لەسەر بنچینەی بێدینی (عەلمانیەت ) دروست دەبن، بەهەوڵی ئەو كەسانەی كە ناسنامەكانیان ناوی موسوڵمانێتی پێوەیە ...

لە نمونەی ئەو پێڕانە: (بابی، بەهائی، قادیانی، موعتەزیلە، موعه طیلة، دروز، عەلەوی، كاكەیی ... وە هەروەها) هەر وەك (شیعەو، چەند كۆمەڵیكی صۆفیگەری (ئەصحابی یەكیەتی بوون = وحدة الوجود) و(حلول واتحاد) ... وە هەروەها )...

نمونەی ئەو پارت وپێڕانەی لەسەر بنچینەی (بێدینی ) دروست دەبن وەك: بزوتنەوە عەلمانییەكان، ئیشتیراكیەكان، دیموكراسییەكان، بزوتنەوە نەتەوەپەرەستەكان،... وەهەروەها ) .

ئەمانە هەموو (كۆمەڵە گومڕاكانن ) و پێویستە لێیان دوور بكەوینەوە چونكە بەرەو ئاگر خەڵكی بانگ دەكەن و شوێنكەوتنیان سەرئەكێشێت بۆ بێشەرعی و پەراوێزكردنی دین و دووركەوتنەوە لە تەعلیماتەكانی دینی حەنیفی ئیسلام، هەروەك هەر كۆمەڵێك لە كۆمەڵانی ئیسلامی ئەگەر (رێبازی) یەكێك لەو كۆمەڵانەی زیندوو كردەوە، ئەوە دەبێتە هاوڕێ‌ و هاوجێگەی ئەوان ... یان لەو سێ‌ خاڵەی كە زانایانی ئیسلامی لەسەری رێكەوتوون لایدا ئەوە بەرەو هەمان چارەنووس دەچێت، و لەسەر زانایان پێویستە هەڵوێستی لێ‌ دەرببڕن، واتە یەكەم جار ئاگاداری هەموو لایەكیان بكەن بەقوتابی و مامۆستایانەوە پاشان" زەجر"یان بكرێت و پاشانیش تەرێزلێكردن و قسە لەگەڵدا نەكردن ( هه جر وموقاطةعة) و ئاگاداركردنی هەموو لایەك تا لێیان دووربكەونەوە و متمانەیان لێ بسەنرێتەوە و فتوای توخن نەكەوتنەوەیان دەربكرێت .

لێدوان زیادکە


هاوڕێمان بە لە فەیسبوك



دواین لێدوان

دیزاینکراوە لەلایەن گروپی ٢٤

joomla statistics